Маймыл чечек оорусуна чалдыккандардын саны көбөйүүдө

Дүйнөдө маймыл чечеги оорусуна чалдыккандардын санынын 18 миңден ашканы билдирилди. 

Дүйнөлүк Саламаттыкты сактоо Уюмунун (ДСCУ) башкы директору доктор Тедрос Аданом Гебреисус уюмдун Женевадагы башкы кеңсесинде өткөрүлгөн маалымат жыйында, маймыл чечеги эпидемиясына байланыштуу акыркы абалдарды бөлүштү.

ДССУнун ушул убакка чейин 78 өлкөдөн 18 миң учурду тастыктаганын белгилеген Гебреисус: "Учурлардын 70 пайызын ДССУнун Европа аймагы, ал эми 25 пайызын Америка аймагы түзөт",- деди.

Ооругандардын 10 пайызынын ооруканага жаткырылганын кабарлаган Гебреисус: «Өлкөлөр, коомчулуктар жана жеке адамдар бул тобокелге олуттуу мамиле жасап, жайылышын алдын алуу үчүн керектүү чараларды көрүшсө бул эпидемия токтотулушу мүмкүн»,-деп баа берди.