Хамас пен Түркия арасындағы қарым-қатынас өте жақсы

Хамас басшыларының бірі Сами Әбу Зухри Хамас пен Түркия арасындағы қарым-қатынасты «керемет» деп сипаттады.

Әбу Зухри Түркия мен Хамас арасындағы қарым-қатынастар және Израильдің 2023 жылдың 7 қазанынан бері шабуылдарын жалғастырған Газа секторына Түркияның көмегі туралы баға берді.

Әбу Зухри Түркияның Газамен ресми және қоғамдық ынтымақтастығын жоғары бағалады.

Әбу Зухри «Ресми түрде түрік үкіметінің дипломатиялық және көмек көрсету әрекеттері өте жақсы, біз мұны бағалаймыз және бұл қолдауды жақсартуға шақырамыз. Өйткені біз Газаны нысанаға алған батыс коалициясымен бетпе-бет келіп отырмыз» деді.

Әбу Зухри соғыстың қиян-кескі болғанын және Израильдің батыстың толық қолдауымен барлық қорқынышты қаруларды қолданып жатқанын, Түркияның бұл соғысты тоқтату үшін исламдық коалицияға жетекшілік ете алатынын атап көрсетті.

Әбу Зухри «Біз мұны Түркияның ұстанымын жоғары бағалаймыз, бұл рөлді мақтан тұтамыз және Түркияның аймақтағы алдыңғы қатарлы және таңдаулы ел екеніне, сондай-ақ көп нәрсе істей алатынына сенгендіктен айтып отырмыз» деп көрсетті.

Әбу Зухри Түркияның Газаға ресми және қоғамдық деңгейде жасаған гуманитарлық көмектерінің мөлшері жағынан жақсы және ерекше екенін білдірді.