Жапония мен Эквадорда жер сілкінісі болды
Жапония мен АҚШ-тың Геологиялық қызметі мәлімдеме жасады.
Жапонияның бас қаласы Токионың оңтүстігіндегі Огасавара аралдарының маңында жергілікті уақыт бойынша сағат 09.39-да магнитудасы 6 балдық жер сілкінісі болды.
Жапония Метеорологиялық агенттігінің мәлімдемесіне қарағанда эпицентрі Огасавара аралдарында болған 6 балдық жер сілкінісі 50 шақырым тереңдікте тіркелді.
Жер сілкінісінен кейін цунами туралы ескерту болған жоқ.
Эквадорда да 5,2 балдық жер сілкінісі болды.
АҚШ-тың Геологиялық қызметі эпицентрі Эль-Оро провинциясындағы Пинас қаласында болған 5,2 балдық жер сілкінісінің 88 шақырым тереңдікте болғанын хабарлады.
Жер сілкінісінен адам мен мүлік шығыны болған жоқ.
Ұқсас жаңалықтар
Тағы 10 палестиналық қаза тапты
Израиль армиясының шабуылында көпшілігі әйелдер мен балалар 10 палестиналық қаза тапты.