Ирландия Палестина мемлекетін мойындайтын болды

Ирландияның премьер-министрі Саймон Харрис Палестина мемлекетін айдың соңына дейін мойындауға ниетті екендерін айтты.

Ирландиялық бұқаралық ақпарат құралдарының хабарына қарағанда, Саймон Харрис 1845-1852 жылдар аралығында болған Үлкен Ашаршылықты еске алу шарасына барған Лонгфордта мәлімдеме жасады.

Ирландияның Таяу Шығыс, Газа және Израиль мәселелеріне қатысты ұстанымының анық екенін білдірген Харрис «Зорлық-зомбылық дереу тоқтатылып, гуманитарлық көмек кедергісіз жетуі керек, өйткені көз алдымызда гуманитарлық апат орын алуда» деді.

«Бізге екі мемлекетті шешім керек» деген Харрис бұл үшін екі мемлекеттің болуын қабылдау керек екенін атап өтті. Харрис  «Ирландия мұны жақын күндері жүзеге асыруға ниетті» деді.