Зеленский мемлекеттік күзет басшысын қызметінен босатты
Бұл шешім 7 мамырда Мемлекеттік күзет басқармасының екі полковнигі ұсталған соң қабылданған.
Украина президенті Владимир Зеленский мемлекеттік күзет басшысы Сергей Рудты қызметінен босатты. Руд бұл кеңсені 2019 жылдан бері басқарып келеді.
Бұл мәселеге қатысты ресми мәлімдеме жасалмады, бірақ бұл шешім 7 мамырда Мемлекеттік күзет басқармасының екі полковнигі ұсталған соң қабылданған.
Ұсталған полковниктерге Зеленскийді, Қауіпсіздік агенттігінің басшысы Василий Малюк пен Бас барлау директоры Кирилл Будановты өлтіруге дайындалды деген айып тағылып отыр.
Украина қауіпсіздік қызметінің мәліметі бойынша, тұтқындалған полковниктер Ресей Федералдық қауіпсіздік агенттігінің (ФСБ) тыңшылық желісінде қызмет еткен.
Айыптау қорытындысына сәйкес, тұтқындалған офицерлер ФСБ-ның Украинаға қарсы әрекетіне ақша айырбастап көмектескен. Айыптау қорытындысында бұл адамдар ресейлік барлау қызметіне құпия ақпаратты таратып, «террорлық акт үшін ақша дайындап, жасырған» делінген.
Ұқсас жаңалықтар
Газа секторында тағы 17 палестиналық қаза тапты
Израиль армиясының шабуылында Газа секторында кемінде 10-ы бала болған 17 палестиналық қаза тапты.
Нигерияда 7 студент қаза тапты
Нигериядағы музыкалық студияда 7 университет студенті генератордың түтінінен уланып қайтыс болды.