Блинкен Газадағы атыстың тоқтатылуы керектігін айтты
Энтони Блинкен Газада 7 қазаннан бері жалғасып келе жатқан соғысты тоқтату керектігін мәлімдеді.
Америка Құрама Штаттары (АҚШ) Мемлекеттік хатшысы Энтони Блинкен «Бейбіт тұрғындардың зардап шекпеуін қамтамасыз ететін жоспар болмаса, Рафахтағы үлкен әскери операцияға» қолдау көрсетуіміз мүмкін емес» деді.
Энтони Блинкен Газада 7 қазаннан бері жалғасып келе жатқан соғысты тоқтату және Палестина мемлекетін құру үшін жол картасының жасалуы керектігін мәлімдеді.
Таяу Шығыста 1948 жылдан бері ең ауыр дағдарысты бастан өткергендерін түсіндірген Блинкен АҚШ-тың аймақтық және халықаралық серіктестерімен бірге Газадағы қақтығыстарды тоқтату және олардың кең аймаққа таралуына жол бермеу үшін жұмыс істеп жатқанын білдірді.
Блинкен сонымен бірге Израильдің Рафахтағы бейбіт тұрғындардың зардап шекпейтініне кепілдік беретін жоспарды әлі ұсынбағанын атап өтті.
АҚШ университеттерінде ұйымдастырылған Газамен ынтымақтастық шерулеріне қатысты Блинкен «Бұл шерулер азаматтарымыздың Газадағы бейбіт тұрғындар, әйелдер мен балалардың азап шегуіне қатысты сезімдерін көрсетеді және мен мұны түсінемін» деді.
