Франция резервтегі қызметкер жасын көтереді

Франция Қорғаныс министрі Себастьян Лекорну «кейбір әскери сарапшыларға» 72 жасқа дейін қызметте қалуға рұқсат етілгенін және резервтегі әскери қызметтегі ең жоғары жасты 70-ке дейін көтеретінін мәлімдеді.

Францияның қорғаныс министрі Себастьян Лекорну БАҚ-қа берген сұхбатында «Көптеген сапалы адам осы жас шектеуіне байланысты кадрдан шығарылады, бұл ақылға қонымсыз жағдай» деді.

Лекорну «Жас шектеуін көтереміз. Француз армиясында адамдар 70 жасқа дейін, ал кейбір мамандықтар бойынша 72 жасқа дейін резервтегі маман бола алады» деді.

Қазіргі ең жоғары жас резервтегі қызметкердің рөліне байланысты 60 пен 65 жас аралығында өзгереді.

Франция жас шектеуін айтарлықтай ұлғайтумен қатар резервтегі күштердің санын 40 мыңнан 80 мыңға дейін жеткізуді көздеп отыр.

"Резервтік күштерді қайта құру" туралы шешім Францияның әскери шығындарын биыл 43,9 миллиард еуродан 2030 жылға қарай 69 миллиард еуроға сатылы түрде арттыру шешімі аясында күн тәртіпке келген болатын.