დასავლეთ ბალკანეთის ხალხის ყველაზე პოპულარული მსოფლიო ლიდერი ერდოღანია

დადგინდა, რომ პრეზიდენტი რეჯეფ თაიფ ერდოღანი დასავლეთ ბალკანეთის ხალხისთვის ყველაზე პოპულარული ლიდერია.

„დასავლეთ ბალკანეთის რეგიონული კვლევა“ მოეწყო ალბანეთის, ბოსნია და ჰერცეგოვინის, მონტენეგროს, ჩრდილოეთ მაკედონიის, სერბეთისა და კოსოვოს საერთაშორისო რესპუბლიკური ინსტიტუტის მიერ.

გამოკითხვაში ზემოთ აღნიშნული ქვეყნის მოქალაქეებს ჰკითხეს; „რომელ მსოფლიო და რეგიონულ ლიდერებზე გაქვთ პოზიტიური მოსაზრებები?“

ალბანეთში გამოკითხულთა 71 პროცენტმა აღნიშნა, რომ მათ აქვთ დადებითი მოსაზრებები პრეზიდენტ რეჯეფ თაიფ ერდოღანის შესახებ.

ბოსნია და ჰერცეგოვინაში იმავე კითხვაზე 61 პროცენტმა დადებითად შეაფასა ერდოღანი, რუსეთის პრეზიდენტი ვლადიმერ პუტინი, აშშ-ის პრეზიდენტი ბაიდენი და ჩინეთის პრეზიდენტი სი დარჩა 37 პროცენტზე.

მონტენეგროში ერდოღანმა ასევე პირველი ადგილი დაიკავა 56 პროცენტით, პუტინი მეორე ადგილზე გავიდა 50 პროცენტით, ხოლო სი - მესამე ადგილზე 46 პროცენტით.

ჩრდილოეთ მაკედონიაში, ერდოღანმა კვლავ პირველი ადგილი დაიკავა, როგორც ყველაზე პოპულარული ლიდერი 66 პროცენტით, შემდეგ მოდის პუტინი 49 პროცენტით, ბაიდენი 37 პროცენტით და სი 35 პროცენტით.

მიუხედავად იმისა, რომ სერბეთში ყველაზე პოპულარული ლიდერი პუტინი დასახელდა 80 პროცენტით, სი იყო მეორე ადგილზე 73 პროცენტით, ხოლო პრეზიდენტი ერდოღანი კი მესამეზე გავიდა 41 პროცენტით.

კოსოვოში ბაიდენმა მსოფლიო ლიდერთა სიაში პირველი ადგილი დაიკავა 85 პროცენტით, ხოლო ერდოღანი მეორე ადგილზეა 82 პროცენტით.

ცნობისათვის, გამოკითხვაში მონაწილეობდა 1216 ადამიანი ალბანეთიდან, 1225 ბოსნია და ჰერცეგოვინიდან, 1220 ჩრდილოეთ მაკედონიიდან, 1036 მონტენეგროდან, 1238 სერბეთიდან და 1203 კოსოვოდან.