მაიკლ ჯორდანის ფეხსაცმელი აუქციონზე გაიყიდება

ლეგენდარული ამერიკელი კალათბურთელის, მაიკლ ჯორდანის სპორტულ ფეხსაცმელს, რომელიც 1998 წლის ამერიკის საკალათბურთო ლიგის (NBA) ფინალის მეორე თამაშში ეცვა, აუქციონზე გაიტანენ.

მსოფლიოში ერთ-ერთი ყველაზე მნიშვნელოვანი აუქციონის კომპანიის Sotheby-ის განცხადებაში ნათქვამია, რომ სპორტული ფეხსაცმელი, რომელიც ჯორდანს სპორტულ ლიტერატურაში "უკანასკნელი ცეკვის" სახელწოდებით ცნობილ ბოლო სეზონზე ეცვა „ჩიკაგო ბულზში“, გაყიდვაში 3-11 აპრილს გამოვა.

23-ნომრიანი მაისურის მინიშნებით, რომელსაც ვარსკვლავი კალათბურთელი მთელი კარიერის განმავლობაში ატარებდა, აუქციონი ჩატარდება "ჯორდანის წლის" კონცეფციით და, სავარაუდოდ, ფეხსაცმელი 2-დან 4 მილიონამდე რეკორდულ ფასად გაიყიდება. თუ პროგნოზები გამართლდება, ჯორდანის ფეხსაცმელი მსოფლიოში ყველაზე ძვირად გაყიდვული სპორტული ფეხსაცმელი გახდება.

აუქციონზე, რომელიც გასული წლის სექტემბერში ასევე Sotheby's-მა გამართა, მაიკლ ჯორდანის მაისური, რომელიც 1998 წლის NBA ფინალში ეცვა, რეკორდულ 10,1 მილიონ დოლარად გაიყიდა.