საქართველოში საპროტესტო აქციები გრძელდება
საქართველოში საპროტესტო აქციები გრძელდება
საქართველოს დედაქალაქ თბილისში მთავრობის მიერ პარლამენტში წარდგენილი კანონპროექტის წინააღმდეგ „უცხოური გავლენის გამჭვირვალობის შესახებ“ საპროტესტო აქციები გრძელდება.
გასულ თვეში მმართველი პარტია „ქართული ოცნების“ მიერ პარლამენტში წარდგენილი „უცხოური გავლენის გამჭვირვალობის შესახებ“ კანონპროექტის წინააღმდეგ აქციები დაახლოებით ერთი თვეა გრძელდება.
აქციის მონაწილეები თბილისის სხვადასხვა ქუჩებში საღამოს შეიკრიბნენ და პარლამენტის შენობამდე მსვლელობით მივიდნენ.
აქციის მონაწილეები, მათ შორის უნივერსიტეტის სტუდენტები, რომლებიც მსვლელობისას საქართველოს, ევროკავშირის და უკრაინის დროშებით იყვნენ, კანონპროექტის წინააღმდეგ ლოზუნგებს გაიძახოდნენ. ისინი, კანონპროექტს „რუსულ კანონად“ აფასებენ.
მეორე მხრივ, გავრცელდა ინფორმაცია, რომ საქართველოს სხვადასხვა უნივერსიტეტის სტუდენტებმა ლექციების ბოიკოტი გადაწყვიტეს.
ცნობისათვის, კანონპროექტი, რომლის პირველი კენჭისყრა პარლამენტში 17 აპრილს და მეორე კენჭისყრა 1 მაისს გაიმართა, პარლამენტში სამჯერ უნდა დამტკიცდეს, რათა დაკანონდეს.
კანონპროექტის საბოლოო კენჭისყრის მიზნით პარლამენტი დღეს შეიკრიბება.
პრეზიდენტი სალომე ზურაბიშვილი კანონპროექტს წინააღმდეგობას გამოთქვამს.
თუმცა, მმართველ პარტიას, პარლამენტში ყავს საკმარისი უმრავლესობა იმისათვის, რათა დაძლიოს პრეზიდენტ ზურაბიშვილის ვეტოს გადაწყვეტილება კანონზე.
კანონპროექტი ადგენს, რომ საქართველოში დაარსებული ორგანიზაციები, რომლებიც იღებენ თავიანთი სახსრების 20 პროცენტზე მეტს საზღვარგარეთიდან, უნდა დარეგისტრირდნენ, როგორც „უცხო სახელმწიფოს ინტერესების გამტარებელი ორგანიზაციები“, წინააღმდეგ შემთხვევაში დაჯარიმდებიან. კანონპროექტის მიხედვით, ამ ორგანიზაციების რეგისტრაციის პროცესს საქართველოს იუსტიციის სამინისტრო გააკონტროლებს.
