ენერგეტიკული დღის წესრიგი 21-2024
ენერგიის დაზოგვის პერიოდი
ენერგეტიკული დღის წესრიგი 21-2024
ენერგიის დაზოგვის პერიოდი
თურქეთში საჯარო სექტორში ენერგიის დაზოგვის ზომები ამოქმედდა. ღონისძიებები განხორციელდება ბევრ სფეროში. ღონისძიებების მნიშვნელოვანი ნაწილი ენერგომოხმარებას ეხება...
ენერგეტიკისა და ბუნებრივი რესურსების სამინისტროს აქვს მნიშვნელოვანი სამოქმედო გეგმა, რომელიც 2053 წლისთვის, ნულოვანი ემისიის მიზნებთან და დაზოგვის ღონისძიებებთან არის დაკავშირებული. პროგრამის სახელწოდებაა „2030 ენერგოეფექტურობის ეროვნული სტრატეგია“. სამოქმედო გეგმით, სტრატეგიის ფარგლებში, იგეგმება სახელმწიფო ენერგეტიკულ ხარჯებში 30 პროცენტამდე დაზოგვა.
პროგრამის ფარგლებში გათვალისწინებულია ენერგიის მოხმარების 16 პროცენტით შემცირება და 2030 წლისთვის 100 მილიონი ტონა ემისიების შემცირება. სტრატეგიასა და სამოქმედო გეგმაში ასევე შედის საჯარო შენობები და ქუჩების განათება. სამინისტრომ, რომელმაც 2023 წლისთვის საჯარო შენობებისთვის 15 პროცენტიანი დაზოგვის მიზანი დააწესა, მიაღწია წლიურად 1,1 მილიარდ ლირის დაზოგვას ენერგეტიკულ გადასახადებში. დაზოგვის მიზანი 2024 წლისთვის გაორმაგდა. 2030 წლისთვის კი საჯარო შენობებში 30 პროცენტიანი დაზოგვის სამიზნე დაისახა მიზნად.
ანალოგიურად, ინიცირებულია ყოვლისმომცველი პროგრამა ქუჩის განათებების LED-ზე გადასვლისთვის, ანუ ზოგადი განათება. 2030 წლისთვის 1,2 მილიონი LED-ის მოწყობილობა დამონტაჟდება ქუჩის განათებაში. ამ სფეროში მუშაობა უნდა იქნეს წარმოებული, ელექტროენერგიის გამანაწილებელ კომპანიებთან და ადგილობრივ ხელისუფლებასთან კოორდინირებულად.
აღნიშნული გეგმის განხორციელება 2024 წელს დაიწყო. სულ რაღაც 4 თვეში მიღწეულმა დანაზოგმა 1 მილიარდ 100 მილიონ ლირას გადააჭარბა. სამინისტრო ასევე მიზნად ისახავს უცხოური წყაროების შემცირებას, განსაკუთრებით ელექტროენერგიის წარმოებაში. ყველაზე მნიშვნელოვანი სფერო, სადაც ამ მიმართულებით ახალი ინიციატივები იდგმება და მთავრობა მხარს უჭერს, არის განახლებადი ენერგიის რესურსები...
თურქეთმა გადააჭარბა გლობალურ საშუალო მაჩვენებელს გასულ წელს ელექტროენერგიის 42 პროცენტს განახლებადი წყაროებიდან.
ელექტროენერგიის წარმოების 6 პროცენტი მზის, 10 პროცენტი ქარის და 20 პროცენტი ჰიდროელექტრო წყაროებზე მოდის.
ელექტროენერგიის 58 პროცენტი წიაღისეული საწვავისგან იწარმოებოდა.
კიდევ ერთი მნიშვნელოვანი ნაბიჯი გადაიდგა განახლებადი ენერგიის მოხმარების გაზრდის მიზნით.
ენერგეტიკისა და სამთო კანონებში შეტანილი ცვლილებებით, გზა იხსნება მზის ენერგიის მცურავი ელექტროსადგურების შექმნით, გარდა კაშხლებზე, ჭაობებზე და სანაპირო ზოლებზე, რომლებიც უზრუნველყოფენ სასმელ წყალს.
რეგლამენტით ენერგოწარმოების ობიექტები შეიძლება შეიქმნას ზღვებში, კაშხლის ტბებში, ხელოვნურ და ბუნებრივ ტბებში.
ამრიგად, მზის ენერგიის როლი კიდევ უფრო გაიზრდება და წიაღისეული საწვავებით ელექტროენერგიის წარმოება შემცირდება.
მიუხედავად იმისა, რომ საზოგადოება დგამს ნაბიჯებს ფულის დაზოგვის მიზნით, დაზოგვას ასევე დიდი მნიშვნელობა აქვს ოჯახებსა და სამუშაო ადგილებზე ენერგოეფექტურობისთვის.
ენერგიის მოხმარება სახლებსა და სამუშაო ადგილებზე შეიძლება თითქმის ნახევარით შემცირდეს.
მაშ რა ნაბიჯები უნდა გადაიდგას?
- ნათურები, რომლებიც არ გამოიყენება, უნდა გამორთოთ.
- გამოყენებული უნდა იყოს ენერგოეფექტური ელექტრონული მოწყობილობები და განათების სისტემები, განსაკუთრებით LED ნათურები.
- ელექტრო მოწყობილობების ჩამრთველები, რომლებიც არ გამოიყენება, უნდა ამოიღოთ ხმარებიდან.
- რადიატორები ავეჯის უკან არ უნდა იყოს, არამედ წინ უნდა იყოს ღია ნაწილში.
- ზამთრის თვეებში სახლების, სამუშაო ადგილების და შენობების კარები დახურული უნდა იყოს.
- გამოუყენებელ ოთახებში ელექტრო რადიატორების ტემპერატურა უნდა დაიწიოს.
- მაცივრები უნდა მუშაობდეს 3-5 გრადუსამდე.
- სიფრთხილეა საჭირო, რომ საოჯახო ნივთები, როგორიცაა მაცივრები, ჭურჭლის სარეცხი მანქანები და სარეცხი მანქანები სუფთა იყოს, რათა მათ უფრო ეფექტურად იმუშაონ.
- დაელოდეთ ცხელი კერძების გაციებას, სანამ მაცივარში შედგამთ. ცხელი საკვების მაცივარში შედგმა, იწვევს მისი მეტი ენერგიის მოხმარებას.
- თუ ღუმელში კერძების მომზადებისას გამოიყენება კერამიკული ან მინის მასალები, ტემპერატურა შეიძლება შემცირდეს 20°C-ით.
- ენერგოეფექტურობას შორის უპირატესობა უნდა მიენიჭოს ოფისისა და სახლისთვის შეძენილ ელექტრო მოწყობილობებს.
- არ უნდა უგულებელყოთ კონდიციონერის მოვლა და ოთახის ტემპერატურა ზამთარში 18-20°C, ხოლო ზაფხულში 24°C-ზე უნდა იყოს დაცული.
- კონდიციონერები უნდა დამონტაჟდეს ისეთ ადგილებში, სადაც მზის პირდაპირი სხივები არ არის.
