რას ითხოვენ ღაზელი ბავშვები გაეროსგან

ღაზელმა ბავშვებმა გაეროს წერილი გაუგზავნეს და მოითხოვეს ის ფუნდამენტური უფლებები, რაც მსოფლიოში ყველა ბავშვს აქვს.

პალესტინის ლტოლვილთა ჰუმანიტარული დახმარების ორგანიზაციის  (UNRWA) დაქვემდებარებაში მყოფი ერთ-ერთი სკოლის მოსწავლეებმა, პალესტინელ ლტოლვილთა დახმარების გაეროს სააგენტოს გენერალურ კომისარ, ფილიპ ლაზარინს წერილი გაუგზავნეს.

ღაზელი ბავშვები თავიანთ წერილში აღნიშნავენ: „ჩვენ მოგმართავთ დღეს დამძიმებული გულით, ღრმა მწუხარებით და შეშფოთებით. ყოველდღე ღაზალების ოჯახები იბომბება და კვდებიან ადამიანები. ღაზაში ოჯახები თითქმის მთლიანად ალყაში არიან მოქცეული. აქაური ბავშვები მოკლებული არიან საკვებს, წყალს და საწვავს, რომელიც აუცილებელია სასიცოცხლო საჭიროებების დასაკმაყოფილებლად. ღაზაში მყოფი ბავშვებისთვის ჩვენ ვითხოვთ იგივე ფუნდამენტურ უფლებებს, როგორც ყველა ბავშვი მსოფლიოში: უპირველეს ყოვლისა, სიცოცხლის უფლება, უსაფრთხოებისა და მშვიდობის უფლება, საკვებისა და მედიკამენტებზე წვდომის უფლებას, თამაშისა და სწავლის უფლებას. მიუხედავად იმისა, რომ ამ ომში უდანაშაულო ბავშვებისა და მათი ოჯახების ტანჯვის მოწმენი ვართ ყოველდღე, ჩვენ ვერ ვსარგებლობთ ჩვენი უფლებებით. როგორ შეუძლიათ ბავშვებს ასეთ საშინელ პირობებში ცხოვრება? მიუხედავად იმისა, რომ მათ დაკარგეს ყველა ძირითადი უფლება, ისინი განაგრძობენ მსოფლიოს საზოგადოებების მხარდაჭერის იმედს ომის შესაჩერებლად. როგორ შეუძლია სამყაროს გაჩუმდეს მათი ტანჯვის წინაშე? რატომ არ ისმის მათი ხმა და ყვირილი? რატომ უწევთ მათ მარტო მთელი ამ ტკივილის ატანა? ჩვენ გვჭირდება თქვენი დახმარება და საერთაშორისო ქმედება ამ ტანჯვის დასასრულებლად. ჩვენ ვიმედოვნებთ, რომ მოისმენთ ჩვენს მოწოდებებს მშვიდობისა და უსაფრთხოების შესახებ ღაზაში მყოფი ბავშვებისთვის და მხარს დაუჭერთ მათ.“