მსოფლიოში ყველაზე დიდი მცურავი ბიბლიოთეკა იორდანიაშია

მსოფლიოში ყველაზე დიდმა მცურავმა ბიბლიოთეკამ "Logos Hope"-მა იორდანიის სამხრეთში აკაბას პორტში ღუზა ჩაუშვა.

აკაბას პორტის ოფიციალური პირებისგან მიღებული ინფორმაციის თანახმად, გემი, რომელზეც დაახლოებით 370 მოხალისეა სხვადასხვა ქვეყნიდან, პორტში ადგილობრივი დროით 09:30 საათზე შევიდა.

მსოფლიოს უდიდესი მცურავი ბიბლიოთეკა, რომელიც მოიცავს თითქმის 4000 წიგნის ნახევარ მილიონ ეგზემპლარს სხვადასხვა თემებზე, როგორიცაა მეცნიერება, სპორტი, ხელოვნება, ლიტერატურა და აზროვნება, მოსახლეობისთვის ღია იქნება ხვალიდან თებერვლის შუა რიცხვებამდე.

მცურავი ბიბლიოთეკა, რომელიც გასული წლის დეკემბერში ლიბანის ბეირუთის პორტში იყო განთავსებული, 4-დან 23 იანვრამდე ეგვიპტეში, პორტ საიდში იყო გახსნილი მოსახლეობისთვის.

ამჟამად გერმანული საქველმოქმედო ორგანიზაცია "Good Books For All"-ის კუთვნილი გემი "Logos Hope" 1973 წელს ააგეს.