იცით თუ არა, რომ? 9-2022
ნემრუთ-დაღის ანუ ნემრუთის მთის ეროვნული პარკი
იცით თუ არა, რომ? 9-2022
იცით თუ არა, რომ? 9-2022-23
ნემრუთ-დაღის ანუ ნემრუთის მთის ეროვნული პარკი
იცით თუ არა, რომ სამხრეთ-აღმოსავლეთ ანატოლიის რეგიონში მდებარე ნემრუთ-დაღი ასევე ეროვნული პარკია?
სამხრეთ-აღმოსავლეთ ანატოლიის რეგიონში მდებარე "ნემრუთ-დაღის ეროვნული პარკი", რომელიც მოიცავს თავისი გიგანტური ქანდაკებებით ცნობილ ნემრუთის მთას, არის 13,827 ჰექტარის ფართობი და მას 1988 წელს ეროვნული პარკის სტატუსი მიენიჭა.
ეროვნული პარკის საზღვრებში ბევრი ადგილია მოსანახულებელი. ნემრუთზე გასასვლელი პირველი ადგილი აღმოსავლეთის ტერასაა, სადაც მნახველები მზის ამოსვლას უყურებენ. მისასვლელად რთული გზაა. მანქანით გარკვეულ ადგილამდე მისვლის შემდეგ საშუალოდ ერთი საათი აღმარზე ფეხით უნდა იაროთ. ულამაზესი ხედი გზის გასწვრივ ყველა ამ სირთულის დასაძლევად ღირს. აღმოსავლეთ ტერასაზე მზეს ნემრუთის მთის ქანდაკებებთან ერთად შეხვდებით. ნემრუთ-დაღის დასავლეთი ტერასა თითქმის იგივეა, რაც პირამიდის ფორმის მავზოლეუმის მეორე მხარეს მდებარე აღმოსავლეთის ტერასა და ღმერთების გალერეაში არსებული ქანდაკებები. აქ არის ხუთი რელიეფი, რომლებზეც გამოსახულია კომაგენეს მეფე ანტიოქე I ღმერთების მისალმებისას და ასევე ლომის ფიგურა. ლომის რელიეფი განასახიერებს ასტროლოგიურ მოვლენას, რომელიც ცნობილია როგორც "ლომის ჰოროსკოპი" და ყოველ 25 000 წელიწადში ერთხელ ხდება. ითვლება, რომ ის არის მსოფლიოში უძველესი ბერძნული ჰოროსკოპი. ასევე ღირს სანახავად ლანდშაფტის სილამაზე, რომელიც წარმოიქმნება რეგიონის უმაღლესი მთის, ნემრუთის ჩრდილით, დასავლეთ ტერასაზე, სხვა მთებსა და ბორცვებზე.
ეროვნულ პარკში ასევე არის არსამეას ნანგრევები, რომელსაც აძველ ციხესაც უწოდებენ. გარდა ამისა, ნემრუთის მთის მოპირდაპირედ მდებარე ქარაქუშის გორაზე მდებარეობს ასევე კომაგენეს სამეფოს დროინდელი ძეგლი. ნემრუთ-დაღის ეროვნულ პარკში მდებარეობს მსოფლიოში ერთ-ერთი უძველესი ჯენდერეს ხიდი, რომელიც ჯერ კიდევ გამოიყენება. 120 მეტრი სიგრძის, 7 მეტრი სიგანის ხიდი მასზე არსებული ლათინური წარწერის მიხედვით, რომის იმპერატორმა სეპტიმუს სევერუსმა 200-იან წლებში ააგო მისი საყვარელი ცოლისა და ვაჟების სახელზე. ხიდზე გადაადგილება მხოლოდ ფეხით არის შესაძლებელი. ჯენდერეს ხიდი არაერთხელ იქნა გამოყენებული გადასაღებ მოედნად თურქულ კინემატოგრაფიაში.
