ბრიტანეთი რუსეთს სანქციების ახალ პაკეტს დაუწესებს

ბრიტანეთმა გამოაცხადა, რომ დაუწესებს სანქციების ახალ პაკეტს რუსეთს, რომელიც ორი წელია უკრაინას ებრძვის.

რუსეთ-უკრაინის ომის მეორე წლისთავამდე ორი დღით ადრე გაკეთებულ განცხადებაში ბრიტანეთის საგარეო საქმეთა სამინისტრომ აღნიშნა, რომ რუსეთის წინააღმდეგ დაწესდება სანქციები, რომელიც 50-ზე მეტ პიროვნებას და ორგანიზაციას მოიცავს.

განცხადებაში ნათქვამია, რომ სანქცია აჩვენებს ბრიტანეთის ურყევ მხარდაჭერას უკრაინის მიმართ.

გავრცელდა ინფორმაცია, რომ სანქციები ზეწოლას მოახდენს საბრძოლო მასალის მომწოდებლებზე, როგორიცაა რაკეტების გამშვები სისტემები, რაკეტები და ასაფეთქებელი ნივთიერებები, ასევე მისი სამიზნეა რუსეთის შემოსავლის მნიშვნელოვანი წყაროები, შეზღუდავს ვაჭრობას ლითონებით, ალმასებითა და ენერგიით და შეწყვეტს მის დაფინანსებას ყველა ასპექტში.

დიდი ბრიტანეთის საგარეო საქმეთა მინისტრმა დევიდ კემერონმა, რომლის შეფასებებიც შეტანილია განცხადებაში, თქვა: „ჩვენი საერთაშორისო ეკონომიკური ზეწოლა ნიშნავს, რომ რუსეთმა ვერ შესძლოს დააფინანსოს ეს უკანონო ოკუპაცია. ჩვენი სანქციები ართმევს პუტინს იმ რესურსებს, რომლებიც მას უიმედოდ სჭირდება ომის დასაფინანსებლად".