თურქეთ-აზერბაიჯანს შორის ვაჭრობის მოცულობა 31 პროცენტით გაიზარდა

თურქეთსა და აზერბაიჯანს შორის საგარეო ვაჭრობის მოცულობა წინა წელთან შედარებით 31 პროცენტით გაიზარდა და 2023 წელს 7,65 მილიარდ დოლარს მიაღწია.

აზერბაიჯანის სახელმწიფო საბაჟო კომიტეტის მიერ გაზიარებული ყოველწლიური მონაცემებით, თურქეთი აზერბაიჯანთან ყველაზე მეტი ვაჭრობით მეორე ქვეყანა გახდა იტალიის შემდეგ. აზერბაიჯანის იტალიასთან სავაჭრო მოცულობამ 15,68 მილიარდ დოლარს, თურქეთთან კი 7,65 მილიარდ დოლარს მიაღწია.

მესამე ქვეყანა, რომელსაც აზერბაიჯანთან ყველაზე მეტი ვაჭრობა აქვს, 4,35 მილიარდი დოლარით რუსეთი გახლავთ.

კომიტეტის მონაცემებით, 2023 წელს აზერბაიჯანის 193 ქვეყანასთან ორმხრივმა სავაჭრო მოცულობამ 51,18 მილიარდი დოლარი შეადგინა.