Türkiyə mətbuatı, 29 dekabr 2021

"Sabah": Ərdoğan: "Dünya müdafiə sənayesində gəldiyimiz nöqtədən danışır”

Prezident Rəcəb Tayyib Ərdoğan ölkələrin gücünün indi yüksək texnologiya fəaliyyətləri ilə ölçüldüyünü vurğulayaraq, “Müdafiə sənayesində gəldiyimiz nöqtə bu gün bütün dünyanın dilindədir” dedi. Ərdoğan Türkiyənin regionun gələcəyini formalaşdıran lider dövlətlərdən biri olması ilə bağlı təhlillərinin getdikcə daha çox paylaşıldığını bildirdi.

"Hürriyet": “Turkovac" peyvəndi üçün gün təyin etmək mümkündür

Təcili istifadəyə icazə verilən və kütləvi istehsalına başlanılan yerli koronavirus peyvəndi "Turkovac" üçün gün təyin etmək məqsədilə qəbullar açılır. "Turkovac" peyvəndi ilə "Sinovac" və "Biontech" peyvəndləri ilə yanaşı vətəndaşlara yeni bir alternativ təklif ediləcək. Yerli peyvəndin bu həftə hazır olacağı gözlənilir. "Turkovac" peyvəndinin ixtiraçısı Prof. Dr. Aykut Özdarendeli "Bütün könüllülərdə 100% antitel reaksiyasının olması çox ciddi bir nəticədir" dedi.

"Yeni Şafak": Türkiyə bor ixracında rekord qırdı

Enerji və təbii sərvətlər naziri Fatih Dönmez bor satışlarının 1 milyard dolları keçərək rekord qırdığını söylədi. Dönmez “Dünyada lider olduğumuz bor mədənində akkumulyator texnologiyasında istifadə edilən litium istehsalı da başladı. Biz enerji texnologiyalarında, xüsusən də bor texnologiyalarında dünya markasına çevriləcək işləri təqdim etmək istəyirik” dedi.

"Star": Türkiyədən dost ölkəyə kömək əli

Türkiyə tərəfindən Albaniyanın Laç şəhərində zəlzələ qurbanları üçün tikilən evlər ailələrə təhvil verildi. Albaniyanın Baş naziri Edi Rama Laçdakı mənzil layihəsinin Türkiyə hökumətinin maliyyəçisi və dostu kimi xarakterizə etdiyi Prezident Rəcəb Tayyib Ərdoğanın birbaşa marağı ilə tamamlandığını vurğuladı. Prezident Ərdoğan 2019-cu il noyabrın 26-da Albaniyada baş verən zəlzələdən dərhal sonra zəlzələdən zərərçəkənlər üçün 500 evin tikintisi ilə bağlı göstəriş vermişdi.

"Sabah": Dünya ulduzlarının İstanbul sevgisi

İtaliya liqa komandalarından olan "İnter"in ulduz futbolçusu Edin Dzeko ötən gün həyat yoldaşı Amra Silaydziç və uşaqları ilə birlikdə İstanbula gəldi. Futbolçu Ayasofya, Gülhanə və Kapalıçarşını gəzdi və təxminən 15 min avroluq alış-veriş etdi. Beyonse ilə yaradıcılığı ilə adından söz etdirən fransız müğənni Villi Uilyam da İstanbulda oldu. Uilyams bundan əvvəl də bir neçə dəfə Türkiyədə olduğunu və bu ölkəni çox sevdiyini bildirdi.