“Akıncı” PUA İrandan qayıtdıqdan sonra

  İran prezidenti İbrahim Rəisi və heyətini aparan helikopterin qalıqlarını təyin edən “Akıncı” pilotsuz uçuş aparatı (PUA) Türkiyədəki bazasına enməzdən əvvəl havada ay-ulduzlu marşrut çəkib.

  “FlightRadar24” tətbiqində “Akıncı” PUA İrandakı missiyasını uğurla başa vurub vətənə qayıtdıqdan sonra Vandakı bazasına enməzdən əvvəl səmada ulduz və aypara marşrutu yaradıb.

  İran prezidenti və rəsmilərinin olduğu helikopterin qəzaya uğramasından sonra Türkiyənin axtarış fəaliyyətlərini təyin etdiyi “Akıncı” PUA helikopterin qalıqları olduğu ehtimal edilən yeri təsbit edib və koordinatları İran rəsmiləri ilə paylaşıb. Bundan sonra İran Qızıl Aypara Cəmiyyəti ölkə prezidenti Rəisiyə məxsus helikopter qalıqlarının yerini açıqlayıb.

  İran dövlət televiziyası helikopterin qalıqlarında həyat əlamətinin olmadığını bildirib.

  Mayın 19-da prezident İbrahim Rəisi helikopterlə gedərək İran-Azərbaycan sərhədində bəndin açılış mərasimində iştirak edib. İran dövlət televiziyası qəzanın Rəisiyə məxsus helikopterin bölgədən qayıdarkən sərt eniş edərkən baş verdiyini bildirib. Faciə zamanı İranın Xarici işlər naziri Hüseyn Əmir Abdullahiyan, Şərqi Azərbaycan əyalətinin valisi Malik Rəhməti və Təbriz mollası İmam Ayətullah Əli Haşimi də olub.

  Axtarış-xilasetmə qrupları əlverişsiz hava şəraiti səbəbindən işlərin çətinliklə davam etdiyini bildirib və İran havadan axtarış aparmaq üçün Türkiyədən pilotsuz uçuş aparatı (PUA) istəyib.

  “Akıncı” PUA-nın İran səmasında dairəvi hərəkətlərini 200 mindən çox adam izləyib.