Rəcəb Tayyib Ərdoğan Robert Fikoya edilən hücumu pisləyib

Türkiyə Prezidenti Rəcəb Tayyib Ərdoğan Slovakiyanın Baş naziri Robert Fikoya edilən hücumu pisləyib və ''keçmiş olsun'' arzularını çatdırıb.
Rəsmi internet səhifəsində paylaşım edən Türkiyə Prezidenti deyib:
"Slovakiyanın Baş naziri Robert Fikoya qarşı törədilmiş xain sui-qəsdi pisləyirəm və hücum zamanı yaralanan cənab Fikonun tezliklə sağalmasını arzulayıram. Slovakiya xalqına və hökumətinə ölkəm və xalqım adından ''keçmiş olsun'' arzularımı çatdırıram''.
Qeyd edək ki, Robert Fiko dünən ölkəsində keçirilən Nazirlər Kabinetinin iclasından sonra sui-qəsdə məruz qalıb. Hücum nəticəsində yaralanan Slovakiyanın Baş naziri xəstəxanaya yerləşdirilib.