Türkiyə və Rusiya müdafiə nazirləri bir araya gəlib

  Türkiyənin milli müdafiə naziri Hulusi Akar rusiyalı həmkarı Sergey Şoyqu ilə bir araya gəlib.

  H.Akar Türkiyənin səyləri ilə ortaya çıxan taxıl daşınması müqaviləsinin imzalanma mərasimi üçün İstanbula gələn S.Şoyqu ilə Kalender Köşkündə görüşüb.

  İkitərəfli və regional müdafiə və təhlükəsizlik məsələlərinin müzakirə edildiyi görüşdə Türkiyənin milli müdafiə naziri Ukraynada təcili atəşkəsə ehtiyac olduğunu bir daha vurğulayaraq taxıl və ərzaq məhsullarının dənizdən təhlükəsiz daşınmasına verdiyi töhfələrə görə Rusiyanın milli müdafiə nazirinə təşəkkür edib.