Texnologiya nəhəngi şirkətlərin işçi ixtisarları davam edir

Əməkdaşlanını ixtisar edən texnologiya nəhəngi şirkətlərə IBM-də qoşuldu.

1938170
Texnologiya nəhəngi şirkətlərin işçi ixtisarları davam edir

Texnologiya nəhəngi IBM işçi qüvvəsini 3900 nəfər azaltmağı planlaşdırır.

Bu barədə “Bloomberg” məlumat yayıb.

İşçilərin 1,5%-i şirkətdən ayrılacaq. Agentlik bildirib ki, ixtisarlar ümumiyyətlə “Kyndryl” və “Watson Health”in bölmələrində işləyənlərə təsir edəcək.

Bu qədər əhəmiyyətli sayda işçini ixtisar etmək texnologiya nəhənginə 300 milyon dollara başa gələcək.

Milli Biznes İqtisadiyyatı Assosiasiyasının məlumatına görə, ABŞ şirkətlərinin təxminən 20%-i iqtisadi vəziyyətin pisləşməsi səbəbindən işçilərini ixtisar edə bilər.

Artıq Amerika bankı “Goldman Sachs” 3,2 min, “Microsoft Corporation” 2023-cü ildə təxminən 10 min, “Google” korporasiyasının sahibi olan “Alphabet”, texnologiya sektorunda qarışıqlıq səbəbiylə 12 min işçini ixtisar edəcəyini açıqlayıblar.

Mütəxəssislərin fikrincə, bu cür tədbirlər qlobal iqtisadiyyatın yavaşlaması, eləcə də istehlakçıların pandemiya dövründən sonra rəqəmsal məhsullara xərclərini azaltmaq istəyi ilə əlaqəlidir.  

 



Әlaqәli Xәbәrlәr