“İnter” təxirə salınmış matçda uduzdu

TRT Spor xəbər verir ki, üç qarşılaşma baş tutub.

Səfərdə “Fiorentina” ilə qarşılaşan “Udineze” 4 cavabsız qolla qalib gəlib. 8 qolun qeydə alındığı “Atalanta” – “Torino” matçında qalib müəyyənləşməyib.

Çempionluq uğrunda mübarizə aparan “İnter” isə səfərdə “Bolonya” ilə qarşılaşıb. Milan təmsilçisi bu oyunda qələbə qazansaydı, əzəli rəqibi olan lider “Milan”ı qabaqlayaraq vahid liderliyi ələ keçirəcəkdi. Hesabı da məhz “İnter” açıb. Amma erkən qola görə ruhdan düşməyən “Bolonya” qalan dəqiqələrdə iki qol vurmaqla əzmkar qələbə qazanıb və “Milan”a çempionluq yolunda böyük bir yol açıb.

Beləliklə, bu nəticələrdən sonra “Milan” 74 xalla birinci, “İnter” 72 xalla ikincidir. “Fiorentina” 56 xalla 7-ci, “Atalanta” 55 xalla 8-ci, “Torino” 44 xalla 11-ci, “Udineze” 43 xalla 12-ci, “Bolonya” isə 42 xalla 13-cü pillədə qərarlaşıb.

İtaliya A Seriyası

20-ci turun oyunları

27 aprel

Fiorentina – Udineze 0:4

Qol: Mari, 12. Deulofeu, 36. Uollas, 90+1. Udoqi, 90+5.

Atalanta – Torino 4:4

Qol: Muriel, 18-pen; 84-pen. De Roon, 23. Paşaliç, 78 – Sanabriya, 4. Lukiç, 36-pen; 63-pen. Freuler, 67-öz qapısına.

Bolonya – İnter 2:1

Qol: Arnautoviç, 28. Sansone, 81 – Perişiç, 3.