Çin fəzaya təkrar istifadə edilə bilən yük kapsulu göndərdi
“Sinxua” agentliyinin məlumatına görə ...
Çinin özəl aviasiya və kosmik şirkəti “İ-Space” özünün SQX-1 Y7 raketi ilə kosmosa təkrar istifadə edilə bilən yük kapsulunu göndərib.
“Sinxua” agentliyinin məlumatına görə, AZSPACE tərəfindən hazırlanmış DEAR-1 yük kapsulu Qobi səhrasındakı Ciüçüen peyk buraxılış mərkəzindən buraxılıb.
Kapsul Günəşin sinxron orbitində planlaşdırılan yerinə çatarkən buraxılış SQX-1 raketləri ilə həyata keçirilən 3-cü uğurlu missiya olub.
Qeyd edək ki, “İ-Space” 2019-cu ildə SQX-1 Y1 raketi ilə Aşağı Yer Orbitinə iki peyk göndərərək Çində özəl bir şirkət tərəfindən istehsal edilən raketlə ilk uğurlu peyk buraxılışını həyata keçirmişdi.
"Hiperbola-1" kimi tanınan SQX-1 raketləri ilə iki buraxılış da 2021-ci ildə, biri isə 2022-ci ildə uğursuz olmuşdu. Şirkətin 2023-cü ilin aprelində Günəşin Sinxron Orbitinə sınaq buraxılışı uğurlu alınmışdı.
“İ-Space” dekabrın 10-da metan və maye oksigenlə işləyən "Hyperbola-2" adlı təkrar istifadə edilə bilən raketinin sınaq uçuşunu həyata keçirdi.
Çinin kosmik proqramında əsas daşıyıcı kimi xidmət edən “Long March” (Uzun yol) raketlərindən başqa, özəl şirkətlər “İ-Space”in “Hyperbola-1”i (SQX-1) “Galactic Energy”nin CERES-1, “Space Pioneer”in "TL-2" və “LandSpace”in "Cucue-2" (ZQ-2) raketləri buraxılışlarda istifadə olunur.