ՀԱՄԱՍ-ը պատվիրակություն կուղարկի Եգիպտոս ավարտելու Գազայի բանակցությունները
ՀԱՄԱՍ-ի քաղաքական բյուրոյի ղեկավար Իսմայիլ Հանիեն հայտարարել է, որ պատվիրակությունը կմեկնի Եգիպտոս՝ ավարտելու Գազայի հատվածում հրադադարի շուրջ բանակցությունները։
ՀԱՄԱՍ-ի գրավոր հայտարարության համաձայն՝ Իսմայիլ Հանիեն Եգիպտոսի հետախուզության ղեկավար Աբբաս Քամիլի հետ հեռախոսազրույցում քննարկել է Գազայի վրա Իսրայելի հարձակումների ավարտի վերաբերյալ բանակցությունները։
Հանիյեն հայտարարել է, որ ՀԱՄԱՍ-ի բանակցային թիմը որքան հնարավոր է շուտ կմեկնի Եգիպտոս՝ ավարտելու ընթացող բանակցությունները՝ համաձայնագիր ձևավորելու համար, որը կբավարարի Պաղեստինի ժողովրդի պահանջները և վերջ կդնի Իսրայելի հարձակումներին։
Օրերս եգիպտական մամուլում տեղ գտած լուրերը նշում էին, որ ՀԱՄԱՍ-ի պատվիրակությունը լքել է Եգիպտոսի մայրաքաղաք Կահիրեն և գրավոր կպատասխանի Գազայի հատվածում հրադադարի մասին Եգիպտոսի առաջարկին։
Հոկտեմբերի 7-ից ի վեր Գազայի հատվածի վրա Իսրայելի հարձակումների հետևանքով զոհվել է ավելի քան 34500 պաղեստինցի, այդ թվում՝ ավելի քան 24 հազար կին և երեխա։
Առողջապահական համակարգի փլուզման մոտ գտնվող մարզում ավելի քան 77 հազար 800 վիրավոր կա։ Ավելի քան 1,9 միլիոն պաղեստինցի բռնի տեղահանվել է Գազայի հատվածից։
Մարտի 25-ին ՄԱԿ-ի Անվտանգության խորհրդի ընդունած «հրադադարի որոշումը» անտեսած իսրայելական բանակի հարձակումները շարունակվել են։
Չնայած միջազգային հանրության նախազգուշացումներին, Իսրայելի իշխանությունները շարունակում են ասել, որ իրենք ցամաքային հարձակում են իրականացնելու Գազայի հատվածի հարավում գտնվող Ռաֆահի վրա, որտեղ ապաստանել է մոտ 1,5 միլիոն պաղեստինցի։
