Ռուսաստանը հարվածներ է հասցրել Կիևի վրա

Ուկրաինայի ռազմաօդային ուժերը հայտարարել են, որ Ռուսաստանը հարձակվել է 6 քաղաքների, ինչպես նաև Կիևի վրա՝ 55 հրթիռներով և 21 անօդաչու թռչող սարքերով։

Նշվեց, որ հրթիռներից 39-ը և անօդաչու թռչող սարքերից 20-ը խոցվել են ՀՕՊ համակարգերի կողմից։

Ուկրաինան հայտարարել է, որ հարձակումների արդյունքում վնասվել է 3 էլեկտրակայան։

Ուկրաինայի նախագահ Վլադիմիր Զելենսկին, ով հարձակումների մասին հայտարարություն է արել սոցցանցերի իր էջում, դատապարտել է հարձակումները։

2022 թվականի փետրվարի 24-ին ՌԴ նախագահ Վլադիմիր Պուտինը հրաման տվեց ներխուժել Ուկրաինա, այդպիսով սկսվեց ռուս-ուկրաինական պատերազմը։

Պուտինը հայտարարել է, որ նպատակ ունի ապառազմականացնել և ապանացիստականացնել երկիրը, որպեսզի կանխի Կիևի անդամակցությունը ՆԱՏՕ-ին և այն պահի Ռուսաստանի ազդեցության գոտում: