Ջրհեղեղ Իտալիայում․ 15 մարդ է զոհվել

Իտալական ANSA գործակալության լուրերի համաձայն՝ Լուգոյում՝ անցյալ շաբաթ տարածաշրջանում տեղի ունեցած ջրհեղեղից ամենաշատ տուժած վայրերից մեկում, հայտնաբերվել է անհայտ կորածի դի։

Հաղորդվել է, որ մայիսի 17-ից անհետ կորած 68-ամյա տղամարդու դին հայտնաբերել են իտալական ժանդարմերիայի թիմերը։

Ըստ այդմ՝ աղետի հետևանքով զոհվածների թիվը հասել է 15-ի։

Մյուս կողմից, տարածաշրջանում շարունակվում է «կարմիր տագնապի» կարգավիճակը՝ նախազգուշացումով, որ հնարավոր է հորդառատ անձրեւ։

Այն քաղաքներում, որտեղ ջրհեղեղները նահանջել են, շարունակվում են մաքրման աշխատանքները և տեղի բնակչության վնասների գնահատման աշխատանքները։

Ջրհեղեղի պատճառով վարչապետ Ջորջիա Մելոնիի գլխավորած աջ կոալիցիոն կառավարությունը որոշել է ավելի քան 2 միլիարդ եվրո հատկացնել ջրածածկ շրջանի կարիքների համար։