اسرائیل نینگ هجوملریده اون مینگلب فلسطینلیک حیاتینی یوقاتدی

اسرائیل اردوسی نینگ 7- اوکتوبر دن بیری غزه نواری گه قره ته اویوشتیریب کیلگن هجوم لریده حیاتینی یوقاتگن فلسطینلیک لر سانی 34 مینگ 735 نفر گه ییتدی. 

غزه ده گی فلسطین ساغلیق نی سقلش وزیرلیگی تامانیدن بیریلگن بیاناتده, اسرائیل نینگ 213 کوندن بیری دوام ایتیاتگن غزه نواری گه قره تیلگن هجوملری حقیده معلومات بیریلدی. 

بیاناتده, اسرائیل اردوسی نینگ سونگّی 24 ساعتده غزه نواری گه قره تیلگن هجوملریده 52 نفر فلسطینلیک نینگ حیاتینی یوقاتگن لیگی و 90 کیشی نینگ ایسه یره لنگن لیگی معلوم قیلیندی. 

اسرائیل نینگ 7- اوکتوبر دن بیری دوام ایتیاتگن غزه نواری گه قره تیلگن هجوم لریده حیاتینی یوقاتگن فلسطینلیک لر سانی نینگ 34 مینگ 735 نفر گه ییتگن لیگی بیلدیریلدی. 

عینی دمده اسرائیل نینگ هجوم لریده یره لنگن لر سانی نینگ ایسه 78 مینگ 108 نفر گه ییتگن لیگی معلوم قیلیندی. 

بوندن تشقری بیاناتده, حاضر هم ویران بولگن اوی لرنینگ تگی و یول چیککه لریده جسد لرنینگ موجود ایکن لیگی و اسرائیل کوچلری نینگ ممانعتی باعث ساغلیق نی سقلش و ملکی مدافعه تیم لری نینگ اوشبو جنازه لرنی توپله آلمه یاتگن لیک لری ینه بیر بار ایسله تیلدی.