تورکیه جمهور باشلیغی ایردوغان بیلن قطر امیری آل ثانی اوزارا سوزلشوو اوتکزدی

تورکیه جمهور باشلیغی رجب طیب ایردوغان بیلن قطر امیری شیخ تمیم بن حمد آل ثانی اوزارا تیلفون سوزلشووی اوتکزدی.

تورکیه جمهوریتی جمهور رئیسلیک علاقه باشقرمه سی تامانیدن بیریلگن بیاناتده، اوشبو سوزلشووده تورکیه بیلن قطر مناسبتلری، گلوبال و منطقوی موضوعلر قاله ویرسه اسرائیل نینگ غزه گه قره تیلگن هجوملری بیلن انسانی وضعیت نینگ تیلگه آلینگن لیگی بیلدیریلدی.

جمهور باشلیغی ایردوغان نینگ بو سوزلشووده اسرائیل نینگ غزه گه قره تیلگن ظالمانه هجوملری نینگ توخته تیلیشی و او قول اورگن جرملر نینگ جزاسینی تارتیشی اوچون اسلام عالمی نینگ بیرلیک ایچیده اورونیشلری نینگ کوچه یشی کیره ک لیگینی افاده ایتگن لیگی قید ایتیلدی.

ایردوغان نینگ منطقه ده بحران نینگ کوپه یمسلیگی اوچون اسرائیل نینگ تیزده اوزیگه کیلیشی و عقل سلیم حرکت ایتیشی نینگ اهمیت گه سزاوار ایکن لیگینی تیلگه آلگن لیگی بیلدیریلدی.

خوددی شو سوزلشووده جمهور باشلیغی ایردوغان بیلن قطر امیری آل ثانی نینگ بیر بیرلری نینگ اوتگن بیره ملرینی قوتله گن لیکلری معلوم قیلیندی.