اسرائیل نینگ هجوملریده اوتیز اوچ مینگ دن آرتیق فلسطینلیک حیاتینی یوقاتدی

اسرائیل اردوسی نینگ غزه نواری گه قره ته 7- اوکتوبر دن بیری اویوشتیریب کیلگن هجوم لریده حیاتینی یوقاتگن فلسطینلیک لر سانی 33 مینگ 91 نفر گه ییتدی. 

غزه ده گی فلسطین ساغلیق نی سقلش وزیرلیگی سوزچیسی اشرف القدره, اسرائیل نینگ غزه نواری گه قره ته 182 کون دن بیری دوام ایتدیریاتگن هجوملری حقیده معلومات بیردی.

القدره, اسرائیل کوچلری نینگ سونگّی 24 ساعتده غزه نواری گه قره تیلگن هجوم لریده ینه 54 نفر فلسطینلیک نینگ حیاتینی یوقاتگن لیگی و 82 کیشی نینگ ایسه یره لنگن لیگینی بیلدیردی.

اسرائیل نینگ 7- اوکتوبر دن بیری غزه نواری گه قره ته اویوشتیریب کیلگن هجوملریده حیاتینی یوقاتگن لر سانی نینگ 33 مینگ 91 نفر گه ییتگن لیگینی بیلدیرگن القدره, یره لنگن لر سانی نینگ ایسه 75 مینگ 750 نفر گه ییتگن لیگینی معلوم قیلدی. 

عینی دمده القدره, حاضر هم ویران بولیب قالگن اوی لرنینگ تگی و یول چیککه لریده جسد لرنینگ موجود ایکن لیگی و اسرائیل کوچ لری نینگ ممانعتی باعث ساغلیق نی سقلش تیم لری و ملی مدافعه مسئول لری نینگ اوشبو جنازه لرنی توپله یه آلمه یاتگن لیگینی بیلدیردی.