حماس کوچلری اسرائیل لیک خاتین اسیرنی داریله گن ویدیو تصویر ترقه تدی

غزه ده حماس نینگ عسکری ترماغی عزت الدین القسام کوچلری اسرائیل لیک بیر عیال اسیرنینگ داریلش ویدیو تصویرلرینی نشر قیلدی.

قسام کوچلری حربی میدیاسی تامانیدن ترقه تیلگن ویدیو تصویرده قسام اعضالری نینگ 21 یاشده گی میئا شم نی داریله گن لیگی کوریله دی.

اونگ قولیدن عملیات قیلینگن شم نینگ قسم اعضالری تامانیدن پانسمان قیلینگن لیگی و بنداژ قیلینگن لیگی کوریله دی.

خاتین اسیر 7 اکتوبرده سدیتروت شهریده بیر مراسمده قولیدن آغیر یره لنگن لیگینی ایته دی.

قسام اعضالری تامانیدن غزه گه ییتکیزیلگن لیگینی و 3 ساعت دوام ایتگن عملیات گه آلینگن لیگینی معلوم قیلگن میئا شم "داریله دیلر، علاقه کورستدیلر، داری بیردیلر. هرنرسه توزیک." دیدی.

عایله سی نینگ یانی گه قیتیب بارماقچی ایکن معلوم قیلگن میئا شم "لطفاً تیزده بو جایدن مینی چیقریب آلینگ." دیب گپیردی.

شونده ی بولیب اسرائیل سابق ایچکی استخبارات تشکیلاتی شین – بت (شبک) باشلیغی یکوف پری اسرائیل حکومتی نینگ غزه نواریده گی اسرائیللیک اسیرلر اوچون انسانی کوریدور آچیلیشی توغریسیده حماس گه واسطه چیلر آرقه لی پیام جونتگن لیگینی بیراق حلی گچه جواب کیلمه گن لیگینی بیلدیردی.

پری، اسرائیل جونتگن پیامده حماس نیمه تکلیف ایتگن لیگی توغریسیده گی سوال گه "حماس جواب بیریب بونگه بیر بدل تعیین قیلگن تقدیرده بیز هم مذاکره قیله میز." دیب ایتدی.

حماس نینگ حربی ترماغی قسام کوچلری شنبه کونی اسرائیل گه قره ته «اقصی طوفانی» آتیده کینگ بیر هجوم باشلتگن لیگینی بیلدیرگندی. غزه دن اسرائیل تامان مینگلب راکت آتیلر ایکن قوراللی جنگریلر هم منطقه ده گی توررجایلرگه کیریب بارگندی.

اسرائیل اردوسی هم حربی اوچاقلر آرقه لی غزه نواریگه قره ته تیمیر قیلیچلر عملیاتینی باشلتگن لیگینی معلوم قیلگندی.

یوزبیرگن خوددی شو بحرانده ایککی تاماندن مینگلب تلفات بار.