حماس نینگ هجوملریده ییتمیش دن آرتیق اسرائیل عسکری حیاتینی یوقاتدی
اوشبو مطلب نی اسرائیل اردوسی بیلدیردی
اسرائیل اردوسی, حماس نینگ شنبه کونی باشله گن هجوملریده اولگن اسرائیل عسکر لری سانی نینگ 73 نفر گه ییتگن لیگینی بیلدیردی.
اسرائیل اردوسی تامانیدن بیریلگن یازمه بیاناتده, حیاتینی یوقاتگن ینه 16 نفر اسرائیل عسکری نینگ کیم ایکن لیگی حقیده عایله لری و خلققه معلومات بیریلگن لیگی ایسله تیلدی.
اسرائیل اردوسی, لبنان چیگره سی یقینیده گی جلیل غربی منطقه سیده جایلشگن عسکر لرنینگ ینگلیشلیک بیلن اوز عسکر لری گه قره ته اوق اوزیشی عاقبتیده 4 کیشی نینگ یره لنگن لیگینی بیلدیردی.
غزه ده باشله تیلگن هجوملرده, 2 مینگ 315 نفر اسرائیل لیک نینگ یره لنگن لیگی بیلدیریلرایکن, اوشبو کیشی لردن 365 نفری نینگ ساغلیق وضعیتی نینگ یمان ایکن لیگی معلوم قیلیندی.
اسرائیل اردوسی, توناون غزه نینگ شمالشرقیده گی بیت حانون منطقه سی و تیگره گیده 120 هدف نی بمباران قیلگن لیگینی بیلدیردی.
اونلب تُن راکت آتیلیب اویوشتیریلگن اوشبو هجومده حماس گه عاید هدف لرنینگ اوریلگن لیگی, بولر آره سیده بیر تونل نینگ هم موجود ایکن لیگی معلوم قیلیندی.
علاقه لی ینگی لیکلر
گوترش اسرائیل اردوسی نینگ رفح شهریده فلسطین لیکلرنینگ کمپی گه اویوشتیرگن هجوم نی قاره له دی
اسرائیل اردوسی نینگ هجومی عاقبتیده اونلب معصوم تینچ اهالی نینگ حیاتینی یوقاتگن لیگی بیلدیریلگندی
تورکیه – بیرلشگن عرب امیرلیکلری قوراللی کوچلری قومندانلری اوزارا اوچره شوو اوتکزدی
اوشبو اوچره شوونینگ پایتخت انقره ده بولیب اوتگن لیگی بیلدیریلدی