اسرائیل نینگ هجومی عاقبتیده کوپلب فلسطینلیک حیاتینی یوقاتدی و یره لندی

اسرائیل نینگ, اشغال آستیده گی غربی نوار نینگ جنین شهری گه قره تیلگن هوا هجومی و اسرائیل عسکر لری نینگ منطقه گه باسیب کیریشی عاقبتیده 3 کیشی حیاتینی یوقاترایکن, 13 نفر ایسه یره لندی. 

اسرائیل اردوسی نینگ, فلسطین گه قره تیلگن زوروانلیک لری دوام ایتماقده. 

فلسطین ساغلیق نی سقلش وزیرلیگی تامانیدن بیریلگن بیاناتده, اسرائیل نینگ جنین شهری گه قره تیلگن هوا هجومی عاقبتیده 3 نفر فلسطینلیک نینگ حیاتینی یوقاتگن لیگی و 13 کیشی نینگ ایسه یره لنگن لیگی بیلدیریلدی. 

یره لنگن لرنینگ 3 نفری نینگ ساغلیق وضعیتی نینگ یمان ایکن لیگی معلوم قیلیندی. 

اسرائیل اوروش اوچاق لری, جنین شهریده گی فلسطین لیک لر گه عاید بیر اوی گه 3 راکت آتدی. 

اسرائیل اردوسی اوشبو هوا هجومی آرتیدن منطقه گه باسیب کیردی و جنین مهاجر لر کمپنی اوره ب آلدی. 

فلسطین رسمی خبر آژانسی وفا, اسرائیل عسکر لری نینگ جنین مهاجر لر کمپی گه باسیب کیریشی آرتیدن فلسطین لیک لر گه عاید گه بعضی اوی لرنی اوره ب آلگن لیگی, عسکر لرنینگ یره لنگن کیشی لر نی کسلخانه گه آلیب کیتماقچی بولگن امبولانس پرسونلی گه مانع بولگن لیگی نی معلوم قیلدی. 

اسرائیل اوچاق لری نینگ خوددی شوو کمپ نینگ اوستی ده اوچگن لیگی بیلدیریلدی. 

فلسطین اسلامی جهاد حرکتی, اسرائیل نینگ اوشبو هجوم لری گه جواب قیتیریله دیگن لیگینی بیلدیردی.