سعودی عربستان دن سودان گه یاردم ییتکیزیب بیریله دی

سعودی عربستان تامانیدن سودان گه 100 میلیون دالرلیک انسانپرورلیک یاردمی قاله ویرسه توقنه شوولردن سلبی تاثیرلنگنلر اوچون رسمی پلاتفورم آرقه لی بخشیش کمپاینی اویوشتیریلیشیدن خبر بیریلدی.

سعودی عربستان رسمی خبر آژانسی SPA خبر بیریشیچه موضوع بوییچه قرال سلمان نینگ اورینباسری و انسانی اورونیشلر مرکزی باشلیغی عبدالله بن عبدالعزیز الرابعه بیانات بیرگن.

رابعه نینگ ایتیشیچه سعودی عربستان قرالی سلمان بن عبدالعزیز بیلن ولیعهد شهزاده محمد بن سلمان تامانیدن قرال سلمان نینگ اورینباسری و انسانی اورونیشلر مرکزیگه " سودان گه 100 میلیون دالرلیک تورلی انسانپرورلیک یاردمی تامین ایتیب بیریلیشی بوییچه بویروق بیرگن.

قرال سلمان بیلن ولیعهد شهزاده بن سلمان نینگ بویروقلری دایره سیده سودان ده بدرغه بولگن کیشیلرگه انسانپرورلیک یاردم و طبی یاردم ییتکیزیب بیریله دی.