اسرائیل حربی لری اوچ نفر فلسطین لیک نی اولدیردی

فلسطین نینگ اشغال آستیده گی غربی نوار منطقه سی گه باغلیق جنین شهریده اسرائیل عسکر لری تامانیدن اوق اوزیلیشی عاقبتیده 3 نفر فلسطین لیک حیاتی نی یوقاتدی. 

فلسطین ساغلیق نی سقلش وزیرلیگی تامانیدن بیریلگن یازمه بیاناتده, بوگون ایرته لب اشغالچی اسرائیل کوچ لری نینگ جنین ده گی هجومی عاقبتیده 3 کیشی نینگ اولگن لیگی بیلدیریلدی. 

شاهد لر, منطقه ده اسرائیل حربی لری بیلن فلسطین لیک لر اورته سیده توقنه شوو یوز بیرگن لیگی و اسرائیل عسکر لری نینگ فلسطین لیک لر نینگ موتر لری گه قره ته اوق اوزیشی عاقبتیده کوپلب کیشی نینگ یره لنگن لیگی نی معلوم قیلدی.

عینی دمده اسلامی جهاد حرکتی نینگ حربی بولیمی, جنین مهاجر لر کمپی تیگره گیده اشغالچی کوچ لر گه قرشی قوراللی عکس العمل کورسه تیلگن لیگی و اسرائیل حربی لری نینگ بعضی لری نینگ یره لنگن لیگی نی بیلدیردی. 

اسرائیل اردوسی تامانیدن بیریلگن یازمه بیاناتده, اسرائیل عسکر لری نینگ, غربی نوار نینگ جنین, رام الله, نابلس و الخلیل شهرلری گه باسیب کیرگن لیک لری معلوم قیلیندی. 

بیاناتده, 15 کیشی نینگ قولگه آلینگن لیگی بیلدیریلدی. 

اسرائیل اردوسی نینگ اوشبو بیاناتیده, جنین ده اولدیریلگن 3 نفر فلسطین لیک بیلن علاقه لی هیچ قنده ی بیر معلومات بیریلمه دی. 

جاری ییل نینگ باشیدن بیری غربی نوار گه تقریباً هر کون باسیب کیریاتگن اسرائیل عسکر لری, تیز تیز فلسطین لیک ملکی لر نی هدف قیلیب آلماقده. 

بیرلشگن ملت لر تشکیلاتی نینگ راپوری گه کوره, میلادی 2022- ییل 29- نوامبر گه قدر غربی نوارده 153 و غزه ده ایسه 52 نفر فلسطین لیک اولدیریلگن.