عراق خوفسیزلیک کوچلری ترور تشکیلاتی داعش گه قره ته کینگ کولملی عملیات باشله تدی

عراق خوفسیزلیک کوچلری، کرکوک شهری نینگ جنوبیده تثبیت ایتیلگن ترور تشکیلاتی داعش ایزداشلریگه قره ته عملیات باشله تدی.

کرکوک پولیس باشقرووی مطبوعات سوزچیسی امیر نوری، بیرگن بیاناتده حربی عملیات نینگ حاوجه تومنی نینگ بعضی بیر قشلاقلری قاله ویرسه حسا، الجنابی کبی وادیلرنینگ یقینلریده اویوشتیریلگن لیگینی شونده ی بولیب عراق هوا کوچلری قوللب – قوتله گن خوددی شو عملیاتده هشدی شعبی نینگ هم اورین آلگن لیگینی قید ایتدی.

ترور تشکیلاتی داعش 2014 ییلی جون آییده عراق نینگ موصل، صلاح الدین و انبار ولایتلرینی بوتونله ی و دیاله بیلن کرکوک ولایتلری نینگ بیر قسمتینی قولگه کیریتیب آلگندی. اوشبو منطقه لر ییللر کیین ترور تشکیلاتی نینگ قولیدن قتیرب آلینگندی.

سابق عراق باش وزیری حیدر العبادی 2017 ییلی 9 دسامبرده ترور تشکیلاتی گه قرشی یوتوق قازانیلگن لیگینی بیلدیرگندی.

داعش نینگ منطقه دن چیقریلیشی و شهرلرنینگ قیتریب آلینیشی نینگ اوستیدن قریب 5 ییل اوتگن حالده ترور تشکیلاتی نینگ اینیقسه کرکوک، دیاله، موصل، صلاح الدین و انبار ولایتلری نینگ چیکه حدودلریده گی هجوملری دوام ایتماقده.