تورکیه – کانادا تشقی ایشلر وزیرلری اوزارا اوچره شوو اوتکزدی

تورکیه تشقی ایشلر وزیری خاقان فیدان بیلن کانادا تشقی ایشلر وزیری ملانی جولی توناون کونی اوزارا اوچره شوو اوتکزدی.

تورکیه جمهوریتی تشقی ایشلر وزیرلیگی تامانیدن اجتماعی ترماق آرقه لی بیریلگن بیاناتده، تشقی ایشلر وزیری فیدان نینگ کانادالیک کسبداشی ملانی جولی بیلن پایتخت انقره ده اوچره شگن لیگی بیلدیریلدی.

دیپلوماتیک منبعلردن قولگه کیریتیلگن معلوماتگه کوره، 2024 ییلی تورکیه بیلن کاناده اورته سیده گی دیپلوماتیک علاقه نینگ 81 – ییل لیگی گه تینگ کیلگن لیگی شونده ی بولیب سونگگی ییللرده اینیقسه اتوموتیف، دینگیزچیلیک و خبرلشوو سکتوریده همکارلیکلر کوچه یتیریلگن لیگی افاده ایتیلدی.

قریب 3 میلیارد دالر بولمیش تورکیه – کانادا تجارت حجمی نینگ قیسقه مدت ایچیده 5 میلیارد دالر سویه سیگه چیقریلیشی هدفلنماقده.

بیرینچیسی 2019 ییلی استانبول ده بولیب اوتگن تورکیه – کانادا اقتصادی و تجارت مشترک کینگشی جلسه سی نینگ کیلگوسی باسقیچده تکرارلنیشی کوتیله دی.