تورکیه جمهور باشلیغی ایردوغان کویت امیری الصباح گه دولت میدالی تقدیم ایتیب بیردی

تورکیه جمهوریتی جمهور باشلیغی رجب طیب ایردوغان، کویت امیری مشعل الاحمد الجابر الصباح گه تورکیه جمهوریتی دولت میدالی تقدیم ایتیب بیردی.

رسمی سفر آرقه لی تورکیه گه تشریف بیورگن کویت امیری الصباح اوچون تورکیه جمهور رئیسلیک مجتمعیده "دولت میدالی تقدیم ایتیش مراسمی" اویوشتیریلدی.

مراسم ده ایککی اولکه نینگ ملی مدحیه سی اوقیلگندن کیین تورکیه جمهور باشلیغی ایردوغان کویت امیری مشعل الاحمد الجابر الصباح گه تورکیه جمهوریتی دولت میدالی تقدیم ایتیب بیردی.

ایردوغان بیلن الصباح نینگ جمهور رئیسلیک مجتمعیده گی بیرمه بیر و هیئاتلرارا اوچره شوولریده ایسه ایککی اولکه اورته سیده گی اقتصادی و تجاری مناسبتلر کینگ روشده تیلگه آلینگن لیگی بیلدیریلدی.

اوچره شوولرده دیپلوماسی، ساغلیک، مدنیت، توریزم، تعلیم ساحه لریده ایککی اولکه اورته گه قویه دیگن پروژه لر حقیده فکر بیان ایتیلگن لیگی قید ایتیلدی.

تورکیه جمهور باشلیغی ایردوغان کویت نینگ مستقل لیگی، حاکمیتی، توپراق بوتونلیگی و خوفسیزلیگی گه تورکیه نینگ قوللب – قوتلشی نینگ شونده ی بولیب تورلی سویه ده اوچره شوولرنینگ دوام ایته جگی تاکییدلنگن لیگی معلوم قیلیندی.

ملاقاتلرنینگ کون ترتیبی قطاریده اسرائیل نینگ غزه ده معصوم فلسطین خلقی گه قره ته هجوملری هم اورین آلدی.

شونده ی بولیب تورکیه جمهور باشلیغی ایردوغان بیلن کویت امیری الصباح نینگ باشچیلیگیده ایککی اولکه اورته سیده 6 ته کیلیشووگه قول قوییلدی.