تورکیه مخالف لری ناتوغری معلومات کمپاینی آلیب باریشماقده

تورکیه جمهوریتی جمهوررئیسلیک علاقه باشقرمه سی نینگ باشلیغی فخرالدین آلتون, تورکیه مخالف لری نینگ بیرین- کیتین ناتوغری معلومات کمپاینی آلیب باریه یاتگن لیک لری نی بیلدیررایکن, اجتماعی ترماق شرکت لرینی اوشبو کمپاین گه قرشی کوره ش بوییچه ینه ده حساس بولیش حقیده آگاهلنتیردی. 

آلتون, اجتماعی ترماق آرقه لی بیرگن بیاناتیده, روانی اوروش مقصدی بیلن آلیب باریله یاتگن اوشبو کمپاین لرنینگ, دموکراسی و دموکراتیک مذاکره فرهنگی گه باسیم قیلیش هدفی گه ایگه ایکن لیگینی ایسله تیب اوتدی. 

یلغان خبر و اوزگرتیریلگن معلومات نینگ, دموکراسی و انسان حق لری گه انیق بیر تهدید دن عبارت ایکن لیگی نی معلوم قیلگن آلتون, اوشبو کمپاین لر بوییچه اساسی هدف نینگ, سیاسی برقرارسیزلیک و اجتماعی بحران گه سبب بولیش دن عبارت ایکن لیگینی بیلدیردی. 

آلتون, "تورکیه, میلادی 2002- ییلدن سونگ رجب طیب اردوغان باشچی لیگیده گی حکومت لر بیلن کوپلب ساحه لر بوییچه جدی موفقیت لر قولگه کیریتیب, منطقه مقیاسیده گی بیر کوچ و خلق ارا بیر اکتور صفتیده دنیا سیاستی نینگ موازنه عنصر لری دن بیری گه ایلندی.  تورکیه کوچی نی آرتیریش و ایرکین له شیش کوره شی نی تورکیه عصری هدفی بیلن دوام ایتدیررایکن, تورکیه مخالف لری بیشینچی یول عنصر لری دن فایده له نیب بیرین کیتین ناتوغری معلومات کمپاینی آلیب باریشماقده" دییه قید ایتدی. 

آلتون, اوز سوز لرینی, "جمهوررئیسلیک علاقه باشقرمه سی صفتیده خوددی شوو حمله لرنی یوق قیلیش فعالیت لری میز نی قرارلی لیک بیلن دوام ایتدیرماقده میز و اوشبو جریانده اجتماعی ترماق شرکت لرینی مذکور کمپاین گه قرشی کوره ش بوییچه ینه ده حساس بولیش حقیده آگاهلنتیره میز" شکلیده دوام ایتدیردی.