بوگون تورکیه ده سیلاو بولیب اوتماقده

تورکیه ده جمهوررئیس سیلاوی نینگ ایکّینچی دوری دایره سیده سیلاو بولیب اوتماقده. 

اوشبو دایره ده رای بیریش جریانی تورکیه وقتی بیلن بوگون (28- می) ایرته لب ساعت 08.00 باشله دی. 

بیش ییللیک بیر مدت بیلن وظیفه اجرا قیله دیگن جمهوررئیس نینگ سیله نه دیگن خوددی شوو سیلاو دایره سیده 14- می کونی بولیب اوتگن سیلاوده اینگ کوپ رای آلگن جمهور اتفاقی نینگ کاندیدی رجب طیب اردوغان بیلن ملت اتفاقی نینگ کاندیدی کمال قیلچداراوغلی رقابت ایتماقده. 

چیت ایللرده یشیاتگن تقریباً 3,5 میلیون تورک رای بیروچی اوچون, 73 اولکه 151 نماینده لیک ده 167 نقطه ده صندوق کینگش لری قوریلدی. 

چیت ایل نماینده لیک لریده گی رای بیریش جریانی 24- می کونی اداققه ییتدی.  چیت ایللرده بیریلگن رای لر, تورکیه گه کیلیتیریلدی. 

تورکیه ده رای بیریش جریانی نینگ اداققه ییتیشیشی آرتیدن رای لر چیت ایللردن کیلگن لر بیلن بیرگه بیر وقت نینگ اوزیده سنه له باشله نه دی.

تورکیه ده رای بیریش جریانی بوگون ساعت 17.00 گه قدر دوام ایته دی.   

عینی دمده یشب تورگن اولکه لرده انیقلنگن وقت ده رای بیره آلمه گن کیشی لر اوچون گمرک ایشیک لریده بوگون ساعت 17.00 گه قدر رای بیریش امکانیتی تامین ایتیب بیریلدی.