تورکیه جمهور باشلیغی ایردوغان پاکستان باش وزیری شریف نی قبول قیلیب اوچره شدی

تورکیه جمهوریتی جمهور باشلیغی رجب طیب ایردوغان پاکستان باش وزیری شهباز شریف نی قبول قیلیب اوچره شدی.

تورکیه جمهور رئیسلیک علاقه باشقرمه سیدن بیریلگن بیاناتگه کوره؛ تیناون کونی پایتخت انقره ده جایلشگن جمهور رئیسلیک مجتمعیده بولیب اوتگن اوچره شووده پاکستان باش وزیری شریف 6 فبروریده یوزبیرگن و 11 ولایت گه تاثیر قالدیرگن ییر قیمیرلشلر طفیلی قیغوداشلیک بیلدیرگن. خوددی شو اوچره شوو مطبوعاتگه یاپیق روشده بولیب اوتگن.

شونده ی بولیب فلسطین دولت باشلیغی محمود عباس، اندونزیا دولت باشلیغی جوکو ویدودو، ونزوئلا دولت باشلیغی نیکولاس مدورو و اسپانیا باش وزیری پدرو سنچیز جمهور باشلیغی ایردوغانگه قونغراق قیلیب ییر قیمیرلش حادثه سیده حیاتینی یوقاتگنلر اوچون قیغوداشلیک بیلدیرر ایکن یره لنگنلرگه شفا تیله دیلر.

اوچره شوو و سوزلشوولرده ییتکچیلر تورکیه گه همکارلیکلرینی و تورک خلقی بیلن بیردملیک ایچیده ایکن لیکلرینی بیلدیردیلر.