تورکیه تشقی ایشلر وزیری یونان نی قتّیق قاره له دی

تورکیه تشقی ایشلر وزیری مولود چاووش اوغلی، یونان نینگ آراللرنینگ قورالسیزلشتیریش نی رعایت قیلیشی کیره ک لیگینی معلوم قیلدی.

"یونان یا کیلیشوولرنی رعایت قیله دی ویا بیز کیره ک بولگن نی قیله میز" دیدی.

تشقی ایشلر وزیری چاووش اوغلی، رومانیا تشقی ایشلر وزیری بوگدان آوریسکو بیلن پایتخت انقره ده وزیرلیکده گی اوچره شووی نینگ آرتیدن مطبوعاتی کنفرانس اویوشتیردی.

چاووش اوغلی یونان نینگ رودوس و میدیلی آراالریده اوتکزگن حربی سینشی بیلن تیگیشلی سوالگه جواب بیردی.

"افسوسکی یونان تحریکلریگه دوام ایتماقده. البته کی بیزنینگ بونگه سیسسیز قالیشیمیز ممکن ایمس" دیدی.  

یونان نینگ آراللرنینگ قورالسیزلشتیریش قاعده سینی اخلال ایتگندن کیین تورکیه نینگ بیرلشگن ملتلر تشکیلاتی گه حقوقی دلیللرنی اوز ایچی گه آلگن مکتوبلر یازیشی نینگ یونان نی غضبلنتیرگن لیگینی معلوم قیلگن چاووش اوغلی جنابلری، شولرنی ایتدی:

"بیز ایتگن آراللر و ایریم بعضی بیر آراللر 1923 لوزان و 1947 پاریس تینچلیک کیلیشووی دایره سیده یونانگه بیر شرط بیلن بیریلگن دیر. یونان بو جایلرنی قوراللشتیره آلمه یدی چونکه بو کیلیشوونینگ آتی «تینچلیک کیلیشووی» شونده ی بولیب یونان نینگ بو جایلرگه قورال کیلتیریشی ممکن ایمس" دیب گپیردی.

یونان نینگ عهدی مسؤلیتلرینی بجا کیلتیرمه گن لیگی گه دقت تارتگن چاووش اوغلی، قورالسیزلشتیریلگن آراللرنینگ مقامی بیلن حاکمیتلری اورته سیده بیر مناسبت بولگن لیگینی اورغوله دی.

چاووش اوغلی،

"یونان بو اخلالدن واز کیچمه گن تقدیرده بولرنینگ حاکمیتی تارتیشیله دی. باشقه تاماندن یونان بیزنینگ خوفسیزلیگیمیزگه قره ته بو کیلیشوولر بولگن حالده نامعقول آدیملر آتماقده، بو جایلرگه قورال جایلشتیرماقده، بعضی بیر آدیملرگه قول اورماقده. بیزنینگ بونگه سیس سیز قالیشیمیز ممکن ایمس. یعنی قورالسیزلشتیریلگن آراللرنینگ مقامینی اخلال قیلیشدن یونان نینگ وازکیچیشی کیره ک. یونان یا بو توغریسیده کیینگه قیته دی و بو کیلیشوولرنی رعایت قیله دی ویا بیز کیره ک بولگن نی قیله میز. کیره ک بولگن نی هم حقوقی همده بیرلشگن ملتلر تشکیلاتی قاله ویرسه خلق ارا تشکیلاتلرده همده ساحه ده قیلیش گه دوام ایته میز. تورلی چاره – تدبیرنی آله میز. یونان شونی بیلیشی کیره ک. ارپه ایککن ارپه بوغدای ایککن بوغدای بیچه دی. تینچلیک تیله مه سنگ بیز هم کیره ک بولگن نی قیله میز. بیر کیچه آنیدن کیلیب قاله میز" دیب ایتدی.