تورکیه و سوریه ده تروریست جنگریلر تاثیرسیز وضعیت گه کیلتیریلدی

سوریه ده ترور تشکیلاتی پی کاکا/ وای پی جی نینگ اوزیچه تل تمر ایالتی تولک مسؤلی کمال پیر، ملی استخبارات تشکیلاتی تامانیدن اویوشتیریلگن عملیات آرقه لی تاثیرسیز وضعیت گه کیلتیریلدی.

تروریست جنگری نینگ راکت توغریسیده متخصص ایکن لیگی و فعالیتلرگه حصه قوشگن لیگی قید ایتیلدی.

خوددی شو تروریست جنگری نینگ سوریه ده تورکیه قوراللی کوچلری تامانیدن آلیب باریلگن تینچلیک بولاغی عملیاتی منطقه سیده گی تروریستیک هجوملرگه مهم رول آلگن لیگی تثبیت ایتیلدی.

میت تامانیدن سوریه ده عملیات آرقه لی تاثیرسیز وضعیت گه کیلتیریلدی.

شونده ی بولیب تورکیه نینگ شیرناق ولایتی جاندارم قومندانلیگی تامانیدن اویوشتیریلگن حربی عملیات نتیجه سیده بولووچی ترور تشکیلاتی پی کاکا/وای پی جی منسوبی جان فدا کود آتیده گی آزاد اونگوچ، تورکیه گه قاچاق اوله ر اق کیرماقچی بولیب تیرل نینگ آستیدن قولگه آلیندی.

اوشبو تروریست جنگری نینگ 2018 ییلی 1 نفر جاندارم پرسونلی 6 نفر قوریقچی خوفسیزلیک منسوبی شهید بولگن و 12 نفر پرسونل یره لنگن قوراللی هجوم قاله ویرسه انچه تروریستیک هجومده قولی بولگن لیگی تثبیت ایتیلدی.