استانبولده پارتلش حادثه سی یوز بیردی

تورکیه جمهوریتی جمهوررئیسی رجب طیب اردوغان, اندونزیا گه جونب کیتمسدن آلدین پایتخت انقره ده مطبوعاتی کنفرانس ترتیب له دی. 

جمهوررئیس اردوغان, استانبولده استقلال جاده سیده یوز بیرگن پارتلش حادثه سی عاقبتیده 6 کیشی نینگ جان بیرگن لیگی و 53 نفر نینگ ایسه یره لنگن لیگی نی بیلدیردی. 

انیق بولمه گن معلومات لر گه کوره, اوشبو حادثه نینگ بیر ترورچیلیک هجومی دن عبارت بولیشی نینگ ممکن ایکن لیگی نی بیلدیرگن اردوغان, حادثه ده "بیر عیال نینگ رول اوینه گن لیگی نی" معلوم قیلدی. 

جمهوررئیس اردوغان, "ملتی میز نینگ, حادثه نینگ فاعل لری نینگ انیق جزالنتیریله دیگن لیگی نی بیلیشی کیره ک.  دولتی میز نینگ برچه اداره لری اوشبو خائنانه هجوم نینگ فاعل لری و مذکور حادثه گه سبب بولگن کیشی لر نی انیقلش اوچون فعالیت لری نی دوام ایتتیرماقده" دییه قید ایتدی. 

تورکیه نینگ استانبول شهری نینگ استقلال جاده سیده تورکیه وقتی بیلن بوگون کیچقرون ساعت 16.20 ده پارتلش حادثه سی یوز بیردی.