جمهور باشلیغی ایردوغان یوسف اسلام نینگ کنسرتینی تماشا قیلدی

تورکیه جمهور باشلیغی رجب طیب ایردوغان، انگلیس اشوله چی صنعتکار یوسف اسلام نینگ کنسرتینی تماشا قیلدی.

کویله گن اشوله لری بیلن 1960 و 1970 ییللریده تن آلینگن و 1977 ییلی مسلمانلیک نی تنله گن انگلیس صنعتچی یوسف اسلام پایتخت انقره ده جایلشگن بیش تیپه ملت کنگره و مدنیت مرکزیده کنسرت اجرا ایتدی.

کنسرت نی جمهور باشلیغی ایردوغان بیلن بیر قطارده تورموش اورتاغی امینه ایردوغان، جمهور باشلیغی ارینباسری فواد اوکتای، جمهور رئیسلیک کابینه اعضالری، یوسف اسلام نینگ تورموش اورتاغی فوزیه مبارک علی قاله ویرسه اوغلی محمد اسلام هم تماشا قیلدی.

کنسرتده انچه تنیقلی اشوله لرینی کویله گن انگلیس صنعتکار یوسف اسلام، بیر ساعتدن کوپراق صحنه ده قالیب کویله دی.

یوسف اسلام کنسرت نینگ آرتیدن جمهور باشلیغی ایردوغانگه کیتار تحفه ایتیب بیردی.

امینه ایردوغان کنسرت نینگ آرتیدن تویتر آرقه لی قویگن پوستده، دنیا مقیاسیده تنیقلی موزیکدان یوسف اسلام و عایله سینی تورکیه ده کوتیب آلیشدن خرسند بولگن لیکلرینی معلوم قیلیب؛

"عمومی موسیقی تیلینی اوزیده عکس ایتتیرگن اثرلری بیلن یوراکلریمیزنی تولقینلنتیردی. اینیقسه خلق اشوله چیمیز یونس ایمره دن الهام کویله گن اشوله نی ایشیتیب مزه قیلدیک" دیب ایتدی.