زلنسکی نینگ عیالی اردوغان نینگ عیالی دن یاردم طلب ایتدی

تورکیه جمهوریتی جمهوررئیسی رجب طیب اردوغان نینگ عیالی امینه اردوغان, اوکراین جمهوررئیسی ولادیمیر زلنسکی نینگ عیالی اولینا زلنسکا بیلن اوچره شدی. 

اوشبو اوچره شوو تورکیه نینگ استانبول شهریده بولیب اوتدی. 

اوچره شووده, زلنسکا اوکراین ده گی سونگّی وضعیت بیلن بیر قطارده, زلنسکا جمغرمه سی نینگ فعالیت لری حقیده معلومات بیردی. 

زلنسکا, ایری ولادیمیر زلنسکی نینگ اوکراین نی حمایت قیلگن لیگی اوچون یوبارگن منتدارچیلیک مکتوبی نی, امینه اردوغان گه تاپشیردی. 

تورکیه نینگ عایله سی بولمه گن 300 اوکراین لیک باله نی مهمان قیلگن لیگی اوچون خرسندچیلیک بیلدیرگن زلنسکا, محتاج تقریباً 200 باله نینگ اوکراین دن تورکیه گه کیتیریلیشی بوییچه یاردم طلب ایتدی. 

جمهوررئیس اردوغان نینگ کوچلی رهبرلیگی بیلن غله صادراتی بوییچه یول نینگ آچیلگن لیگی و روسیه بیلن اسیر المه شووی نینگ عملی بولگن لیگی نی بیلدیرگن زلنسکا, اینیقسه غله دهلیزی نینگ دنیا نینگ جدی بیر غذایی بحران دن قوتقرگن لیگی نی معلوم قیلدی. 

اوروش سببلی ساغلیق نی سقلش ساحه سی بوییچه ضرورت لرنینگ آرتیب کیتگن لیگی نی معلوم قیلگن زلنسکا, امبولانس و چقه لاق انکوباتور لری نینگ تامین ایتیلیشی بوییچه امینه اردوغان دن یاردم طلب ایتدی. 

امینه اردوغان ایسه, تویتر آرقه لی بیرگن بیاناتیده, "اوکراین جمهوررئیسی نینگ عیالی محترمه دوستیم زلنسکا نی استانبولده کوتیب آلگن لیگیم اوچون خرسندمن.  همه میز بیر یقه دن باش چیقاریب اوروش دن تاثیرلنگن عیال لر و باله لر داخل اوکراین خلقی نینگ دردی گه مرهم بوله دیگن لیگی میز گه ایشانه من.  باشدن بیری بولگن لیگی دیک, تورکیه تینچلیک نینگ اورنه تیلیشی اوچون برچه دیپلماتیک سعی و حرکت لرنی قیلیش گه دوام ایته دی" دییه قید ایتدی.