فخرالدین آلتون سویدن و فینلندنینگ ناتو اعضالیگی گه مراجعه سی بوییچه فکر بیلدیردی

تورکیه جمهور رئیسلیک علاقه باشقرمه سی باشلیغی فخرالدین آلتون سویدن و فینلندنینگ ناتوگه اعضالیگی گه مراجعه سی بیلن تیگیشلی خواطرلری نینگ دوام ایتیب تورگن لیگینی بیان ایتدی.

فخرالدین آلتون پایتخت انقره ده "21 – عصرده ناتو: سیبنشلر، اورتاقلیکلر و کینگه ییش" پروگرامیده سوز یوروتدی.

"تروریزم گه قرشی کوره ش توغریسیده انیق یانداشوو ایچیده بولمه گن اولکه لرنینگ تشکیلات گه قبول ایتیلیشی، ناتونینگ کیلجگی گه بیر تهدید ایجاد ایته دی" دیگن آلتون جنابلری سویدن و فینلنددن انیق یانداشوو و ضمانتلر کوتگن لیکلرینی تاکییدله دی.

علاقه باشلیغی؛

"بو آدیملر تروریزم نی قوللب – قوتلش نی اداغگه ییتکیزیلیشی، تروریزم نینگ مالی منبعی نینگ قوریتیلیشی، پی کاکا/وای پی دی/وای پی جی گه قورال یاردمی نینگ اداغگه ییتکیزیلیشی و اولکه میزگه قره ته آلیب باریلگن آچیق – یشیرنچ چیکلاولرنی کوتریب تشلش دیر" دیدی.

فخرالدین آلتون ناتوگه اعضالیک نینگ بیر حق ایمس ایکن لیگی بیر امتیاز ایکن لیگی گه دقت قره تیب بو امتیازنینگ قولگه کیریتیلیشی اوچون بعضی بیر نرسه لرنی بجا کیلتیریلیشی کیره ک لیگینی معلوم قیلدی.

آلتون

"بو شرطلر بجا کیلتیرمه گن تقدیرده تورکیه نینگ یانداشوویده بیر اوزگریش یوز بیرمه یدی. بونی حرمتلی جمهور باشلیغیمیز (رجب طیب ایردوغان) یوقاری سویه دن مقاملرگه، خلق ارا همجمعیت گه انیق شکلده افاده ایتدی. مین ینه بیر مرته سویدن و فینلندنینگ ناتوگه اعضالیگی گه مراجعه سی بیلن تیگیشلی نه فقط اولکه میزنی تشکیلات نینگ هم خوفسیزلیگی بیلن تیگیشلی بیر یانداشوو ایچیده بولگن لیگیمیزنی ایتماقچی من" دیدی.