فخرالدین آلتون تورکیه بیلن الجزایر اورته سیده قول قوییلگن کیلیشوولر حقیده فکر بیلدیردی

جمهور رئیسلیک علاقه رئیسی فخرالدین آلتون جمهور باشلیغی رجب طیب ایردوغان تامانیدن الیب باریلگن ییتکچی دیپلوماسی بیلن تورکیه و تورکیه اداره لری نینگ تاباره کوچه ییب بارگن لیگینی ایتدی.

فخرالدین آلتون تورکیه بیلن الجزایر اورته سیده قول قوییلگن کیلیشوولر حقیده فکر بیلدیردی.

آلتون اجتماعی ترماق ارقه لی نشر قیلگن پیامیده پایتخت انقره ده جمهور باشلیغی ایردوغان و الجزایر جمهور باشلیغی عبدالمجید تبون قاشیده تورکیه – الجزایر اورته سیده گی مناسبتلرنینگ کوچه یتیرووچی کانچیلیک، اطرافنی سقلش، تعلیم، مدنیت و مدافعه صنایعی ساحه لریده انچه کیلیشووگه قول قوییلگن لیگینی ایتدی.

خوددی شو کیلیشوولردن بیرته سی نینگ ایسه میدیا و علاقه ساحه سیده ایکن لیگینی معلوم قیلیب بو کیلیشوولرنینگ ایککی اولکه اوچون هم خیرلرگه وسیله بولیشینی تمنی قیلدی.

آلتون جنابلری "برچه دنیا بحران گه دوچ قالگن پیتده اولکه میز تیگیشلی اولکه لر بیلن قول قویگن بو کیلیشوولر جمهور باشلیغیمیزنینگ یوتو.قلی ییتکچیلیگی بیلن یوز بیرماقده دیر. جمهور باشلیغیمیز تامانیدن الیب باریلگن ییتکچی دیپلوماسی، انسانلیک که قره ته تشقی سیاستی، اولکه ییتکچیلری بیلن اوزارا مناسبتلرده بیرگن ایشانچ نتیجه سیده قول قوییلگن بو کیلیشوولر بیلن هم اولکه میز همده اداره لریمیز تاباره کوچه ییب بارماقده و بو هم ملتیمیزگه فایده کیریتماقده دیر" دیب ایتدی.