ایللیک سککیز مینگ اوکراین لیک باش پنه سوره ب تورکیه گه کیلدی

تورکیه جمهوریتی ایچکی ایش لر وزیری سلیمان سویلو, اوروش نینگ باشله گن کون دن بیری 58 مینگ اوکراین لیک نینگ باش پنه سوره ب تورکیه گه کیلگن لیگی نی معلوم قیلدی. 

سویلو, خصوصی بیر تلویزیون بیلن قیلگن مصاحبه سیده کون ترتیبی ده گی موضوع لر حقیده معلومات بیردی. 

تورکیه ده گی مهاجر لر حقیده بیر سئوال گه جواب قیترگن سویلو, "اوکراین ده گی اوروش نینگ باشله گن (24- فبروری) کون دن بیری تورکیه گه 58 مینگ اوکراین لیک کیلدی" دییه قید ایتدی. 

اوشبو کیشی لردن تقریباً 30 مینگ نفری موتر لر بیلن و 900 گه یقین کیشی نینگ ایسه اوچینچی اولکه لر آرقه لی طیاره بیلن کیلگن لیگی نی معلوم قیلگن سویلو, کیره کلی تدبیر لرنینگ آلینگن لیگی نی بیلدیردی.