جمهور رئیسلیک علاقه باشقرمه سی باشلیغی فخرالدین آلتون سنگالده بیر گزیته ده مقاله یازدی

جمهور رئیسلیک علاقه باشقرمه سی باشلیغی فخرالدین آلتون تورکیه نینگ هم اوزارا همده منطقوی مقیاسده افریقاده گی دوستلری بیلن دایمی ستراتیژیک مناسبتلر قورماقچی ایکن لیگینی بیلدیردی.

آلتون سنگال نینگ Bes Bi-Le Jour گزیته سی اوچون "تورکیه – افریقانینگ کیلجگینی بیرگه لیکده تیکله یمیز" باشلیغی آستیده بیر مقاله یازدی.

آلتون افریقانینگ سونگگی 20 ییل دوامیده تورکیه ده اینگ کوپ کون ترتیبیده اورین آلگن منطقه لردن بیرته سی ایکن لیگینی معلوم قیلیب جمهور باشلیغی رجب طیب ایردوغان نینگ بو قاره اولکه لری گه هردایم خاص علاقه کورستگن لیگینی شونده ی بولیب تورکیه نینگ افریقا دولتلری بیلن بوگونگچه انچه اقتصادی و سیاسی کیلیشووگه قول قویگن لیگینی قید ایتدی.  

تورکیه دولت اداره لری، تجارت اتاقلری و نادولت تشکیلاتلری تامانیدن هم بو قاره ده انچه پروزه تیکلنگن لیگینی تاکییدله گن آلتون جنابلری جمهور باشلیغی ایردوغان نینگ تورموش اورتاغی امینه ایردوغان نینگ هم افریقا کون ترتیبی گه کیلگنده ایلگریده اورین آلگن لیگینی و افریقاگه کیلگن الهام بیرووچی سفرلری توغریسیده بیر کتاب نشر قیلگن لیگینی ایسله تیب اوتدی.

افریقاده گی تورک بویوک ایلچیلیکلری نینگ و اداره لری نینگ سانی نینگ کونسایین کوپه ییب بارگن لیگینی معلوم قیلگن آلتون تورک خلقی نینگ افریقاگه قره ته چوقور علاقه سی نینگ دوام ایتیب بارگن لیگینی افاده ایتدی.

آلتون جنابلری "اوشبو فعالیتلر مشترک بیر تقدیردن کیلیب چیققن لیگیمیزگه ایشانگن قاره نینگ کیلجگی گه بولگن کوچلی تعهدیمیزگه بناً عملی قیلینماقده دیر" دیب ایتدی.

آلتون تورک حکومتی نینگ تجارلرنینگ و همجمعیت نینگ بو قاره ده گی ظرفیت نی کوریب بیلگن لیگینی اورغوله دی.

دنیا مقیاسیده یوکسه لیب بارگن بیر کوچ بولمیش تورکیه نینگ ایریم منطقه و اولکه لر بیلن فایده لی و دایمی شریکلیکلر قوریش نی بیرینچی اورینده آلگن لیگینی افاده ایتدی.

آلتون " هم اوزارا همده منطقوی مقیاسده افریقاده گی دوستلری بیلن دایمی ستراتیژیک مناسبتلر قورماقچی میز. تورکیه منطقه سیده برقرارلیک تامین ایتووچی بیر کوچ اوله راق تینچلیک و خوفسیزلیک که حصه قوشیش گه هردایم تیاردیر" دیب ایتدی.