ایردوغان، مولانا جلال الدین محمد بلخی نینگ وفاتی مناسبتی بیلن اویوشتیریلگن محفل گه اشتراک ایتدی
قیینچیلیکلرگه قرشی صبر قیله آلگن، توغری یولده بیر-بیرینی قوللب-قوّتلهگن بیر خلقنی هیچ قَیسی کوچ نینگ یوق قیلالمسلیگینی قید ایتدی.
جمهور رئیس رجب طیب ایردوغان قیینچیلیکلرگه قرشی صبر قیله آلگن، توغری یولده بیر-بیرینی قوللب-قوّتلهگن بیر خلقنی هیچ قَیسی کوچ نینگ یوق قیلالمسلیگینی قید ایتدی.
جمهور رئیس ایردوغان تورکیه نینگ قونيه ولایتیده اویوشتیریلگن «حضرتی مولانا وفاتی نینگ 744-ییللیگی» مناسبتی بیلن اویوشتیریلگن محفل گه اشتراک ایتدی.
جمهور رئیس رجب طیب ایردوغان محفلده سوزلهگن نطقیده مولانا نینگ یوزییللر آلدین بیرلیک، بیردملیک، سیوگی و قرداشلیک حقیده ایتگن سوزلری نینگ بوگونگی کونگه هم اوز معناسینی یوقاتمهگنلیگینی تأکیدلهدی.
ایردوغان بوگونگی کونده تورکيه و منطقهده بیراولر نینگ قان، کینه سقلش و نزاع یولی بیلن نیمهلرگه دیر ایریشیش پَییده ایکنلیکلریگه اعتبار قره تدی.
شو دایره ده قَیسیدیر ریجیملر نینگ بشکه بمبلر، بالیستیک راکتلری آرقهلی قتل عامگه قول اوریب، اوز حکمرانلیگینی سقلب قالیشلریگه ایشانگنلیکلرینی افاده ایتگن ایردوغان،
«بعضی کوچلر مسلمانلر قدریتینی حسابگه آلمهگن حالده بیز نینگ صبریمیزنی سینهیپدی لیکن مولانا حضرتلری بیزگه، باسیب آلیش آرقهلی اقبال کیتیدن یوگیرگنلر نینگ، شدّت و فتنهگرچیلیک بیلن حکمرانلیکنی آرزو قیلگنلر نینگ قنچهلیک غفلت ایچیده ایکنلیکلرینی آچیق-آیدین ایتیب توریبدی» دیدی.
هر قندهی قیینچیلیکلرگه قرشی کوره ش آلیب باریشدن واز کیچیش نیتلری یوقلیگینی قید ایتگن جمهور رئیس ایردوغان،
«تاریخده انچه مراتبه تکرارلنگنی دیک ظلم آرقهلی آباد بولگنلر نینگ آخری برباد بولهدی. ظالم قول اورگن عمللر هیچ قچان اونگه فایده آلیب کیلمه یدی. قتل عاملر نینگ، ظلملرنینگ، توکیلگن گناهسیز انسانلر قانی نینگ حسابی بو دنیاده هم، او دنیاده هم مطلقا سورهل هدی» دیگن افادهلرگه اورین بیردی.
ایردوغان قیینچیلیکلرگه قرشی صبر قیله آلگن، توغری یولده بیر-بیرینی قوللب-قوّتلهگن بیر خلقنی هیچ قَیسی کوچ نینگ یوق قیلالمسلیگینی قید ایتدی.
«بیز بیرلیک و بیردملیک ایچیده بیر یاقهدن باش، بیر یینگدن قول چیقرگودیک بولسک اونده خدا خواهله سه، بیز نینگ توپراقلرده ایکیشگه حرکت قیلینگن فتنهگرچیلیک اوروغلری اصلا کوکرمه یدی» دیگن افاده لرگه اورین بیرگن جمهور رئیس ایردوغان،
«قرداشلریمیزگه ضرر ییتکزمهی، گناهسیز مظلوم و جبرلنگن کیشیلرگه دسترخوان آچیشنی دوام ایتتیرگودیک بولسک بیزگه هیچ کیم تیز چوکتیره آلمهیدی. مذهب چیلیک، اتنیک گروهلر آرقه لی دوستلیگینی بوزیش اوستیدن قدیمي مشترکلریمیزنی یوق قیلیش نیتیدهگیلرنی بیزنینگ قرارلیلیگیمیز مغلوب قیله دی» دییه گپیردی.
علاقه لی ینگی لیکلر
تورکیه – امریکا قوشمه ایالتلری تشقی ایشلر وزیرلری اوزارا اوچره شوو اوتکزدی
ایککی وزیرنینگ چیکیانینگ پایتختی پراگ ده اوچره شگن لیگی بیلدیریلدی
تورکیه تامانیدن افغانستان ده بیر کتابخانه نینگ پایدیواری قوییلدی
تورکیه تامانیدن افغانستان نینگ بامیان ولایتیده بیر کتابخانه قوریلیشیدن خبیر بیریلدی